Isaya 31:1 - Livulu lya Shukulu Kalunga

¹ Ngongo yavo vaje vaya ku Ingito mukuvakwasa! Vaje vanakulaela a tuvalu, na matemba amangi na mashwalale. Oloni kuvakulaelele kuli Shukulu Kalunga, Njambi wakujela wa Isalele, nambe kumulomba ngeci avakwase.

Isaya 31:1 Iomraidhean Croise

Kushangumuka 47:17

Ngecivene, vanenele vimuna vavo kuli Yosefa, walandakanene vyakulya na tuvalu twavo, na vimanga, na vimembe, na vingombe, na vimulu. Co a mwaka uje wavanene vyakulya vyakulandakana na vimuna vavo voshe.

2 Mizimbu 16:7

A simbu ije vene Hanani muka-kwimanena waile kuli Mwene Asa wamulekele ngwendi, “Omwo wakulaelele kuli mwene wa Silya, kutuvakana kukulaela kuli Shukulu Kalunga Njambi yove, mukemwo nzita ya mwene wa ku Silya vanatewa.

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

Yombi 39:11

Kuma wasa kumukulaela omo nzili yendi yakama, nakuyongola ngeci asa kukupangela vipangi vya nzili ndi?

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Isaya 10:17

Njambi, ceke ca Isalele, akemuka tuhya. Njambi wakujela wa Isalele, akemuka mulangi wa tuhya, uje ukenyeka vyuma vyoshe a litangwa lyangongo, nameme mambimbo na mishwena.

Isaya 2:7

Lifuti lyavo linashulu na siliva na ngolinde, co vufuko vwavo kuvwesi kuhwa. Lifuti linashulu lalo na tuvalu, na matemba a nzita aje kuwesi kuhwa.

Isaya 20:5

Vaje vakulaelele Sundane nakulishashela Ingito vakapwa vaka-kupaya, cinyangavili cavo cikahwa.

Isaya 22:11

mwapangele lishali mukati ka vivumbe vya nganda ngeci munyungilemo mema. Oloni kumwombile vimbunge vyeni kuli Njambi, uje watumbile vutumbe vwoshe ovu ku san̄ulu, co kumwasingimikile uje watavele ngeci vilingiwe.

Isaya 30:16

Oloni mutumba vutumbe vwakutewa kuli vitozi veni akulonda a tuvalu twa lumbisi. Mwamuvwa kuli yeni kutewa! Munayongola ngweni tuvalu tweni vali na lumbisi, oloni tuvalu twa vaje valinakumisheka vali na lumbisi kutuvakana.

Isaya 36:6

Yove ulinakuyongola ngeci Ingito ikukwasa, oloni eci cinapu ngwe munu apangesa lihongo kupwa mulamu, omo lipokoka, co likulengula mu livoko. Mukemwo mwanafu mwene wa Ingito omo munu ajendamena ali ikeye.”

Isaya 36:9

Yove kuwesi na nzili yakweseka nameme na mwata wamundondo wa Asilya, yove wakulaela vaka-Ingito kukutumina matemba na vaka-kwendela a tuvalu.

Isaya 43:15

Yange njapwa Kalunga, Njambi yeni wakujela. Yange njamitangele, Isalele, yange njapwa mwene yeni.”

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Isaya 57:9

Mukavwava mazi amavwa akunika lwengo, co muya nakulemesa njambi Moleki. Muya nakushakezeka vinjambi ngeci muvalemese, mutuma tunganda noku-noku, nameme ku vukalo vwa vatsi.

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Njelemiya 17:5

Shukulu Kalunga alinakwendeka ngwendi, “Njikasinga munu uje atunda kuli yange nakukulaela kuli munu wangoco, nakutundisa mbunge yendi kuli Shukulu Kalunga.

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 37:7

“Mashwalale va Ingito valinakwija nakukukwasa, oloni vakeluka ku Ingito kwimbo lyavo.

Njelemiya 42:14

co nga mwendeka ngweni, ‘Embwe, tukaya nakukala mu Ingito, muje kutukamono nzita lalo, nambe kuziva malupembo, nambe makende,’

Ezekiyele 17:15

Oloni mwene wa mu Yunda watengulukilile Mbambilone, co watumine tutumwa twendi ku Ingito kukashaka tuvalu, na mbunga ya mashwalale yakama. Kuma asa kuhyana ndi? Kuma asa kupatuka akulinga ngacije ndi? Kasa kupokola cikumiiyo kujeneka kumunyanyamesa!

Ezekiyele 29:16

VaIsalele kuvakakulaela lalo vaka-Ingito mukuvakwasa. Vanu va Isalele vakanuka ngeci kuma capwile cacivi omo vashakezekele vukwasi kuli vaka-Ingito. Asinoni vaIsalele vakazivuka ngeci yange njapwa Kalunga wa Akamwa ya Vyoshe.”

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Hoziya 14:3

Vaka-Asilya kuvasa kutwamena, nameme tuvalu twa nzita kuvasa kutwamenena. Kutukendeka lalo ku tumponya twetu ngwetu, ‘Yeni munapu Njambi yetu’ embwe. Yove Shukulu Kalunga, ukazivila mema ku mbunge vaje kuvesi noku kweka vasa kuya.”

Hoziya 7:7

“Mukushukuma kwa vukalu vwavo vatsiile vantwama vavo. Vimyene vavo vavatsiile umo na umo kulikavasana, oloni naumo wai walombelele kuli yange ngeci njivakwase.”

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Hambakuke 3:3

Njambi alinakwija kutunda ku Endome, Njambi wakujela alinakwija kutunda ku malundu a Palane. Vumpau vwendi vwafwiki melu, co asi oshe anashulu nakumushangazala.

Zakaliya 10:5

Vanu va mu Yunda vakahyana ngwe mashwalale valyatangela vitozi vavo ngwe lindova lya mu vitapalo. Vakalwa omwo Shukulu Kalunga akakala amo navo, co vakafungulula nameme vitozi vavo vaka-kwendela a tuvalu.

Kwituluka mu Mashiko 17:16

Oloni mwene kapandele kukala na tuvalu vavangi-vangi va nzita yendi embwe, nambe kutuma vanu ku Ingito nakukalanda tuvalu embwe, omwo Shukulu Kalunga wendekele ngeci kesi vakelukileko kuje.

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.