Isaya 30:30 - Livulu lya Shukulu Kalunga

³⁰ Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 30:30 Iomraidhean Croise

Yombi 38:22

Kuma yove wakovelamo laja mu vinjuvo vyakutulikila mema akukonda, nambe wamona vinjuvo vyakutulikila nyonzi ya mamanya ndi?

Yombi 38:23

Yange njavinyungila visimbu vya tuyando, na a matangwa akulwa vinzita.

Yombi 40:9

Kuma yove uli na nzili ngwe yange ndi? Kuma lijwi lyove lyasa kukala na cililimo cakama ngwe lyange ndi?

Myaso 2:5

Akendeka navo na vukalu nakuvajujwisa na vukalu vwendi vwakama ngwendi,

Myaso 46:6

Miyati ya vanu vakavazivisa lyova, na vumwene vukawa, omo Njambi akaluma, co asi akanyongolokota.

Myaso 98:1

Imbileni Shukulu Kalunga mwaso wauha, nalingi vyuma vyakukomokesa! Mu nzili yendi nahyana vyoshe.

Kutuuka 15:16

Lyova lyakama na munjunju vyawililile ali vakevo omwo vanamono nzili yove, Yove Shukulu Kalunga, co vakevo vemanene na lyova noo vanu vove vetile, vanu vove vaje vaunafuku.

Kutuuka 9:23

Omo Mosesa wajundwile mulamu wendi mwilu, co Shukulu Kalunga watumine cililimo ca nyonzi ya mamanya, co ije mihyato yahyahyatele asi oshe. Ngecivene, Shukulu Kalunga wanyokesele nyonzi ya mamanya mu Ingito mwoshe.

Kutuuka 9:24

Shukulu Kalunga watumine lisindu-mbowe lya nyonzi ya mamanya, na mihyato yahyahyatele noku-noku. Lyapwile lisindu-mbowe lyakama manene lije kutunda ku visimbu vyalaja kuvalimwene mu Ingito nakweta na lelo.

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 10:26

Yange Kalunga Muka-nzili yoshe njikavapupa na likote lyange ngwe munjapupile vanu va ku Mindyani ku Limanya lya Oleve. Njikahisa Asilya ngwe munjahisile Ingito.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

Isaya 30:31

VaAsilya vakajaja omo vakaziva lijwi lya Shukulu Kalunga, co akavapupa na mulamu wendi.

Isaya 31:4

Shukulu Kalunga wendekele kuli yange ngwendi, “Njikana nakulwa ngwe ndumba wa vukalu uje kasa kutewa mitambi ya tunyungi vaje veseka kwamena vimanga vavo. Omu mukemwo yange Kalunga Muka-nzili yoshe njikashuluka nakulwa a Munkinda wa Siyone.

Isaya 32:19

Nameme nyonzi ya mamanya ikawisa miti mu shwata na vinganda vikasiwuka.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 4:6

Vumpau vwa Njambi vukapwa munzinze wa nganda ngeci kesi mukale ntwima ku mutanya, nakupwisa nganda mutambela wauvwa, uje wakuvanda ku nyonzi na ku lihunzi.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Njelemiya 25:32

Shukulu Kalunga Muka-nzili yoshe alinakwendeka ngwendi tuyando twakama tulinakwija ku muyati umo wa vanu na ku muyati ukwavo wa vanu, co lihunzi lyakama lilinakulikungulwila ku shongo ya kaye kwoshe.

Ezekiyele 10:5

Co muyoyo wa mambava a vaje vikashama, vauzivile nameme mukati ka cipango. Muyoyo uje walifwile ngwe lijwi lya Njambi Muka-nzili yoshe.

Ezekiyele 13:13

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Mukuluvala kwange, njikatuma lihunzi lyakama, na nyonzi ya mungole, na nyonzi ya mamanya mukunyongesa civumbe.

Njwele 2:5

Omo vajombozoka akamwa ya minkinda, misindo yavo yoya ngwe matemba, cililimo cavo cinapu ngwe musindo wa tuhya twa likuna tuje twenyeka mwila wakuma. Venda mu mikana ngwe vaka-nzita vaje vanalivwaesela kulwa.

Amose 1:14

Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Mateo 24:7

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza.

Luka 1:51

Ikeye nolola livoko lyendi lya nzili, nashandola vaka-kulyalesa na matumbe avo oshe.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

Yoshwa 10:10

Ngecivene, Shukulu Kalunga wauya-wuyisile vaAmoli ku mesho a vaIsalele. Co vaIsalele vatsiile vaAmoli ku Ngimbiyone, asinoni vavashekelele ku ngila yakwita ku lilundu ku Mbete Holone, co vatsiile vanu vavangi nakuvasheka nakuvetesa ku mbwela ya ku Azeka, na ku Makenda.

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

Kujombolola 1:15

mendi endi avyazimine ngwe vutale vwa vunengu vucitunda mu lutengo lwakama vuje vwakukwita mufwitilo, na cilumo ca lijwi lyendi califwile ngwe mema a nzili aa cipupa.

Kujombolola 11:19

Asinoni Njuvo ya Shukulu Kalunga ya mwilu yashokolokele, na Cikasa ca Cikumiiyo vacimwene muje. Asinoni kwakele kuvyakula kwa mihyato na mikalateto nakujaja kwakama kwa kaye na cililimo na nyonzi yakama ya mamanya.

1 Samwele 7:10

Co omo Samwele wakele nakukombelela n̄ombelo ya kwenyeka, vaFilisitiya vezile nakulwisa vaIsalele, oloni aje vene, Shukulu Kalunga watumine cililimo cakama ali vakevo. Wavauya-wuyisile, co vatewele.