Isaya 30:28 - Livulu lya Shukulu Kalunga

²⁸ Ikeye akatumu lihunzi kulutwe lwendi, co lipwa ngwe livazi lije lisindumwina vyuma vyoshe kulyala. Likakombo mafuti nakuwanyongesa nakumanesa matumbe avo amavi.

Isaya 30:28 Iomraidhean Croise

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

2 Vimyene 19:28

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje njishaka.”

Yombi 39:17

Yange vene njamupwisile ciheve, co kunjamwanene mana.

Myaso 18:15

Kwisi ya mema a kalunga kwasholokele, co luvula lwa kaye lwafukukile omo wakandele vitozi vove, yove Shukulu Kalunga, waluvalele nakwaana ngwe ndumba.

Myaso 32:9

Kesi mupwe ngwe kavalu nambe kupanga ngwe cimulu, vaje kuvesi na mana, vaje vavendesa na cikuvo ca mu kanwa, mukuvononwesa ngeci vende mwamuvwa.”

Visimo 26:3

Kavalu na cimulu vanapande kuvapupa, nakuvaka cikuvo mu kanwa, mukemwo vene vanapande kulinga na cilema.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Isaya 17:14

A simbu ya cingwezi kulwa kwavo kuzivisa lyova, oloni ku mutondo voshe vavanyongesa. Eci cikeco cikalingiwa kuli vanu vaje vakatambula lifuti lyetu nakupukula vufuko vwetu.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 37:29

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje kunjinashaka.

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Isaya 63:17

Omwo vikajo unatwecelela tutunde kuli yove? Omwo vikajo unakaluwisila vimbunge vyetu ngeci kesi tukukomoke? Iluka, yetu tunapu vangamba vove na vanu vove simbu yoshe.

Isaya 8:8

Vakakovela mu lifuti lya Yunda mwoshe, ngwe livazi lyakusikisila mu mukoshi nakukupula vyuma vyoshe.” Njambi ali amo netu! Najangumuna mambava endi mukunyunga lifuti.

Hoziya 13:3

Ngecivene, vanu ava vakahwa vwasi ngwe mbundu ya mutondo, ngwe lime lije lipapumuka omo litangwa likya. Vakapwa ngwe lijungu lije lipekumuka na lihunzi kutunda ku lijungwilo, ngwe vwisi vutundilila mu mbengwa.

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Luka 22:31

“Simoni, Simoni! Satana nalombo ngeci amyeseke yeni voshe, kwangununa vavavwa ku vavavi ngwe muka-kulima mwakaangununa tiliku ku lijungu.

2 Tesalonika 2:11

Ngecivene, Njambi natumu nzili yakuvasevwisa mukupanga muli vakevo ngeci vakulaele vije vinapu vya makuli,

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

Kujombolola 1:16

Ikeye wakwatele vingongonosi vitanu na vivali mu livoko lyendi lya cilyo, co mu kanwa kendi mwatuukile moko ya mukwale ya vuvela kuvali. Cihanga cendi cavyazimine ngwe misha ya litangwa lya akati ka mutwe.

Kujombolola 2:16

Tenguluka ku vivi vyove! Nga shove, co njilinakwija vwasi kuli yove nakulwisa vanu vaje na moko ya mukwale yakutunda ku kanwa kange.