Isaya 30:27 - Livulu lya Shukulu Kalunga

²⁷ Nzili ya Shukulu Kalunga na vumpau vwendi wasa kuvimwena alyala. Tuhya na vwisi vimwesa vukalu vwendi. Ikeye endeka, co majwi endi ashukuma ngwe tuhya.

Isaya 30:27 Iomraidhean Croise

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 33:12

Mukatsenozola ngwe mamanya venyeka mukulinga memba, ngwe mambimbo enya kupwa lito.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 34:9

Vindonga vya Endome vikemuka lipombosiwa, co livu likemuka lilungu. Co lifuti lyoshe likenya ngwe lipombosiwa.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Isaya 9:5

Vin̄aku vya mashwalale va nzita na vuzalo vwavo vuje vunaviya na maninga vakavyenyeka na tuhya.

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ndanyele 7:10

co tuhya twakele nakutundililako oku twezoka ngwe mema a mu ndonga. Vanu vavangi-vangi vamupangelele. Co vanu vakupwa 1,000,000 vemanene kulutwe lwendi mukumupangela. Vashangumukile kusompa, co vafukwile mavulu.

Ndanyele 7:9

Njakengele omo vaakele matanda mu myela yawo. Umo uje wakala ku myaka yoshe watumbamene a litanda limo lya akati ka matanda aje. Vuzalo vwendi vwatokele to ngwe memba, vin̄ambu vyendi vyatokele to ngwe kanyange-yange. Litanda lyendi valyakele a mavalo a tuhya aje akele nakwezoka milangi ya tuhya,

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

Kwituluka mu Mashiko 33:2

Wendekele ngwendi, “Shukulu Kalunga watundile a Munkinda wa Sinai, watuukile na vumpau vwendi, ngwe litangwa akamwa ya Endome, watwililile ceke ali vanu vendi oku ali a Munkinda wa Palane. Co wakele amo na tungelo 1,000, tuhya twashukumine mu livoko lyendi lya cilyo.

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

VaHevelu 12:29

omwo Njambi yetu mwa vushunga wapwa tuhya twakunyongesa.