Isaya 30:17 - Livulu lya Shukulu Kalunga

¹⁷ Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Isaya 30:17 Iomraidhean Croise

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Mbimbi 4:19

Vaka-kutukava vatushekele vwasi kutuvakana vingonga vakupulula. Vatukavele mu malundu, nakutukwatela mu mambo cishitumukila.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

VaLevi 26:36

“Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

VaLevi 26:8

Vanu vatanu akati keni vakafungulula ciita, co vanu ciita vakafungulula makulukazi likumi. Vitozi veni vakafunguluka mu nzita.

Amose 2:14

Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo.

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Loma 11:17

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.

Yoshwa 23:10

Munalume umo wa ali yeni asa kusheka vanalume 1,000, omwo Shukulu Kalunga Njambi yeni ikeye amilwilako, ngwe muje mwamikulaesele.