Isaya 3:8 - Livulu lya Shukulu Kalunga

⁸ Eyo, Yelusalema inanyongo! Co Yunda inau! Vyuma vyoshe valinakwendeka nevi valinakulinga vilinakulwisa Shukulu Kalunga, valinakushaula Njambi citona-mesho.

Isaya 3:8 Iomraidhean Croise

2 Mizimbu 28:18

A simbu ije vene vaFilisitiya vakele nakulwisa vinganda vya mu lifuti lya ku vushelumukilo vwa malundu mu kangombe ka yambi na mu mbwela ya lifuti lya Yunda. Vafungulwile vinganda vya Mbete Shemeshe, na Ainjalone, na Ngendelote, na vinganda vya Soko, na Timuna, na Ngimezo amo na membo avyo, co vatungile muje myaka yoshe.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Visimo 26:27

Vanu vaje vatela vakwavo myeto vatsamo vakevo vavenya. Co vanu vaje vashangumuna limanya ngeci lyandumuke, limanya lije likavandumukila vakevo vavenya.

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 49:19

“Lifuti lyove lyaviile, co lyapwile ngundu, oloni ololo likashula manene na vanu vaje valinakwija nakutungamo. Na vitozi vove voshe vakakala kulyala nove.

Isaya 57:4

Veyajo mulinakushendumuna? Yeni vaka-makuli iyajo mulinakufweya?

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 23:36

Ngecivene, kuvapandele kwendeka majwi ngwavo, ‘Citele ca Shukulu Kalunga,’ omwo nga umo alingamo, co mwa vushunga njikapangesa majwi ange ngeci akapwe citele kuli ikeye. Vanu vanaviisa majwi a Njambi yavo, ikeye Njambi wakuyoya Shukulu Kalunga Muka-nzili yoshe.

Njelemiya 26:18

“Omo Hezekiya wapwile mwene wa mu Yunda, Mika muka-kwimanena wa ku Moleshete walekele vanu voshe ngwendi Shukulu Kalunga Muka-nzili yoshe nendeka ngwendi, ‘Siyone vakailima ngwe muvakalimi lihya, Yelusalema ikapwa mutumbo, na munkinda wa Njuvo ya Shukulu Kalunga ukapwa ngwe malundu a mu shwata.’

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 44:3

omwo vanu vamwo valingile vuvi, co vanjiluvalesele. Vanakombelela vin̄ombelo ku vinjambi veka, nakupangela vinjambi vaje nambe vakevo, nambe yeni, nambe vakukulwila veni kuvavalemesele.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Hoziya 5:5

Co kulyalesa kwa vanu va mu Isalele kulinakumwesa mulonga wavo. Vuvi vwavo vulinakuvatanukisa nakuwa, co na vanu va mu Yunda valinakuwa amo navo.

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

Yunda 1:15

mukusompa voshe, mukuhisa vanu voshe vanalingi vilinga vyakushaula Njambi naa majwi avo oshe amavi akushaula Njambi avamwendekele aje kuvapandele kuwendeka kuli ikeye.”