Isaya 3:24 - Livulu lya Shukulu Kalunga

²⁴ Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Isaya 3:24 Iomraidhean Croise

Esita 2:12

Co omo simbu ya mumbanda na mumbanda woshe yetele yakuya kuli Mwene Sheleshe, omo vanalingi nendi laja ngwe ku vilongesa vya vambanda a simbu yavo yakulivwaesa, vingonde vitanu na imo na mazi a miila, co vingonde vitanu na imo na mazi akunika lwengo na vikwavo lalo vyakulivwaesa navyo vanakazi.

Yombi 16:15

Njalitongela cikeleya ca vusiwa, co njalishuwila livu ku mutwe wange.

Visimo 31:24

Munakazi ou akatongo vuzalo na miva, co avilandesa kuli vaka-kulandulula.

Visimo 7:17

Njinakwitiho mazi a miila, na malimangango, na sinamone.

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Isaya 15:3

Co vanu vakenda mu vitapalo oku vanazala vikeleya, mushandangala yangoco na akamwa ya vinjuvo vyavo, vanu valinakulila na kusikoka.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Isaya 3:23

na vuzalo vwavo vwakupepuka, na vinanga vyavo vya linyu vya ku mavoko, na vinanga vyakuzenga mu mikoshi, na malesu a ku mitwe yavo.

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Isaya 57:9

Mukavwava mazi amavwa akunika lwengo, co muya nakulemesa njambi Moleki. Muya nakushakezeka vinjambi ngeci muvalemese, mutuma tunganda noku-noku, nameme ku vukalo vwa vatsi.

Njelemiya 4:8

Ngecivene, zaleni vikeleya, co lileni nakumbolozoka omwo vukalu vwakukomokesa vwa Shukulu Kalunga, vuli ali Yunda.

Njelemiya 48:37

Voshe vanateula mitwe yavo nakukamba minjezi yavo. Voshe vanalilengula vimbandu a mavoko avo, co munu woshe nazala cikeleya.

Njelemiya 49:3

Vanu va ka Heshevone, lileni manene! Nganda ya Ai inanyongo! Vanakazi va mu Lamba, lileni! Zaleni vikeleya nakulila. Shatozokeni mu kuuya-uya, omwo njambi yeni Moleki vakamutwala mu vunzinda amolika na vaka-kukombelela vendi na vamyata.

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Ezekiyele 27:31

Vanateula mitwe yavo omwo yove, co vanazala vikeleya. Vimbunge vyavo vivavala manene omwo valinakulila.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Njwele 1:8

Lileni, yeni vanu, ngwe mumbanda alila kutsa kwa munalume uje nashakele kumwambata.

VaLevi 26:16

co njikalinga evi, njikamitumina mishongo yaikalu ya lulanga na lisika-sika, ikamipwisa vupuputwa nakuminyongesa, co mukalima vimbuto vyeni, oloni kuvikamikwasa, omwo vitozi veni vakamifungulula, co vakalya vije vimwalimine.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.

Kwituluka mu Mashiko 32:24

Co vakalanduka ku njala na ku lilanga, mishongo yakukomokesa ikavalya. Njikatuma vikashama va mu shwata nakuvatsiya, na manyoka va vushungu vwavuvi vakavashuma.

1 Petulu 3:3

Kumwapandele kupangesa vyuma vya anja lika mukulivwaesa, nambe makwalale, nambe na tunzeya, nambe vuzalo vwa senga.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”

Kujombolola 16:9

Vanu venyele na ntwima yakama, co vasingile lizina lya Njambi, uje ali na moko a tuyando otu. Oloni kuvatengulukile ku vivi vyavo nakushangazala vukama vwendi.

Kujombolola 18:9

Co vimyene va ano asi vaje valingile nendi vupangala na mashungu amavi vakalila nakulinyenga omo vakamona vwisi vulinakukakumuka omo alinakwenya.