Isaya 3:16 - Livulu lya Shukulu Kalunga

¹⁶ Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Isaya 3:16 Iomraidhean Croise

Visimo 16:18

Kulyalesa manene kutwala munu kukunyonga.

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Visimo 30:13

Kuli vanu vamo vakaliyongola ngeci vanapu vavavwa manene, eyo, valiyongola ngeci vanapu vavavwa!

Myaso ya Solomoni 3:11

Yeni vanakazi va mu Siyone, ijeni mumone Mwene Solomoni. Mwene Solomoni nazala cilongo cije civamuzikile vaina ku mutwe wendi, a litangwa lya vulo vwendi, a litangwa lyakuvwaelela nakujolela kwendi.

Isaya 1:8

Yelusalema lika ivanazengeleka vitozi, inapu ngwe cipundo ca muka-kunyunga citungu ca mikolovozi ya vushuka vwa vinyu, nambe ngwe cipundo ca muka-kunyunga lihya lya vinende.

Isaya 24:4

Kaye kauma nakujujwama, nakuzeya, kaye na lilu vikanyongolokota.

Isaya 3:1

Shukulu Kalunga, Muka-nzili yoshe, natundisa vyuma vyoshe na vanu voshe vaje vavakulaela mu Yelusalema na mu Yunda. Ikeye akavanyeka vyakulya vyavo na mema avo,

Isaya 3:17

Oloni njikavahisa, njikakongovola mitwe yavo nakuyipwisa ya mandya!”

Isaya 3:18

Litangwa lilinakwija omo Shukulu Kalunga akanyeka vanakazi va mu Yelusalema vyuma vyoshe vije vivalinakulyalesela navyo manene, vyakuzala vya senga vije vili ku tusendengele twavo, na ku mitwe yavo, na ku mikoshi yavo,

Isaya 3:4

Shukulu Kalunga akatava vanu ngeci vavashwane ku vanike.

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Luka 23:28

Yesu watengulukilile kuli vakevo wendekele ngwendi, “Eni vanakazi va mu Yelusalema! Kesi mulilile yange, oloni lilileni yeni vavenya na vana veni!