Isaya 3:14 - Livulu lya Shukulu Kalunga

¹⁴ Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 3:14 Iomraidhean Croise

Yombi 22:4

Kuma yove ngwove omwo kuukomoka Njambi, mukemwo mwakuvalazelela ndi? Vikevyo vyaila nove ku mbanja ndi?

Yombi 24:14

A mungulungengu, lipwepwe enduka aya nakutsiya kautu na muka-kuyanda, co ku vutsiki aya nakwiva.

Yombi 24:9

“Vaka-vuvi vakapwisa vana va visiwa vindungo, co vakambata vana va kautu kuvapwisa cishimbikiya.

Yombi 34:23

Njambi kesi kwimika simbu, ngeci atundise vantwama nakwingisamo veka lalo.

Myaso 10:9

avandamena mu mwela wendi wavushweke ngwe ndumba, alinakuvandamena muje ngeci akwate tuutu, co avakwata nakuvakokela mu mweto wendi.

Myaso 14:4

Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Myaso 143:2

Kesi usompese yange ngamba yove, omwo kukwesi umo wa kulongwa kuli yove.

Visimo 30:14

Kuli vanu vamo vali na mayo akufwa ngwe mikwale, na mavundi avo ngwe vimoko ngeci valye vaka-kuutwa nakuvatundisa ano asi, nakutundisa vaka-kuyanda akati ka vanu.

Isaya 10:1

Ngongo yeni! Mukalingi mashiko aje kesi a vushunga, aje ayandesa vanu vange.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 14:30

Shukulu Kalunga akapwa kanyungi ka vanu vendi vakuutwa nakuvecela ngeci vakale mwamuvwa. Oloni akatuma njala yakukomokesa ya lyangengela ali vamo veni va vaFilisitiya, co vakwavo vakavatsiya.

Isaya 26:6

Vaje vavayandesele valinakwenda akamwa yavyo nakuvilyatangela na mendi avo.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 5:7

Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 58:4

Kulikela kulya kweni kulinakumilwisa, co mulikanangana nakulinga lwozi. Kuma muyongola ngweni kulikela kulya kwa muyati ou kunjilingisa ngeci njitolilile ku malombelo eni ndi?

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 5:27

Ngwe ciyambi ashulisa cishakala cendi na tuzila, mu cifwa eci vene vanu ava vanashulisa vinjuvo vyavo na vyuma vyakupukula. Mukemwo vali na nzili na vufuko,

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 20:35

Njikamitwala mu ‘Mambo ya Miyati ya Vanu.’ Co njikaliwana neni kuje mesho na mesho.

Ezekiyele 20:36

Njikamisompa ngwe muje munjasompele vakukulwila veni mu mambo ya Sinai, mukemwo mwalinakwendeka Shukulu Kalunga wa Akamwa ya Vyoshe.

VaLevi 25:14

Ngecivene, omo ulandesa livu kuli mukweni kaIsalele nambe kulanda livu kuli ikeye, kesi mulinyanyamene umo na mukwavo.

VaLevi 25:17

Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”

Amose 2:7

Co vakalyatangela vaka-kuzeya na vaje valinakuyanda nakunakozola tuutu kuvatundisa mu ngila. Munalume na ishe vakai ku munakazi umolika wa ndungo, co vashawisa lizina lyange lyakujela.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Mika 3:3

Mulya situ ya vanu vange. Mujuva cikonde cavo, mupokozola vitsiya vyavo vipazu-vipazu, nakuviteleka ngwe situ ya mu ndeo.

Mika 6:10

Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda.

Mateo 21:33

Yesu wavalekele ngwendi, “Tolilileni ku cisimo cikwavo. Kwakele munalume umo wakele na citungu ca mikolovozi ya vushuka vwa vinyu, wasitileko cipatanga, wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka.

Yakomba 2:6

Oloni yeni muyengula tuutu! Veya vaje vakamiyandesa nakumikokela ku mesho a maako? Kuma kesi vaka-kufuka ndi?