Isaya 3:11 - Livulu lya Shukulu Kalunga

¹¹ Oloni vaka-vuvi vananyongo, muje muvalingile kuli vakwavo mukemwo vakalinga lalo kuli vakevo.

Isaya 3:11 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

1 Vimyene 21:21

Ngecivene, Shukulu Kalunga nendeka kuli yove ngwendi, ‘Njikakuhisa yove na vanalume, na vakwenje voshe va mu naanga yove vakatsa.

2 Mizimbu 6:23

Shukulu Kalunga, tolilila omo mwilu ngeci usompe vangamba vove. Hisa uje ali na mulonga ngwe mucinamupande, co ecela uje kesi na mulonga ngwe lalo mucinamupande.

Yombi 10:15

Nga njilinga vuvi, njinapu munu wakuvindama, nambe nga njiwakushungama, kunjikasa kwandula mutwe wange omwo njili na shwamwa yakama.

Myaso 28:4

Vahise ngwe ku vije vivanalingi, a vuvi vuje vuvanalingi. Vahise a vilinga vyavo vyoshe, vahise ngwe ku vilinga vyavo!

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Visimo 1:31

Ngecivene, mukawana vije vimwashakele, co mukakuta na vilinga vyeni.

Visimo 11:31

Vaka-vushunga vakawana cikandelela ano asi. Oloni mwa vushunga vaka-kupenga-penga, na vaka-vuvi, Njambi akavahisa.

Visimo 12:14

Cikandelela cove nambe kunyanyama kwove kunemana a vyuma vije wendeka, na vyuma vije ulinga.

Visimo 26:27

Vanu vaje vatela vakwavo myeto vatsamo vakevo vavenya. Co vanu vaje vashangumuna limanya ngeci lyandumuke, limanya lije likavandumukila vakevo vavenya.

Muka-kwambulula 8:13

oloni vyuma kuvikapu vyavivwa kuli vaka-vuvi. Myonyo yavo inapu ngwe munzinze, co vakatsa omo vacili vavandondo omwo kuvesi kukomoka Njambi.”

Isaya 13:11

Shukulu Kalunga endeka ngwendi, “Njikahisa kaye omwo vuvi vwako, nakuhisa lalo vaka-vuvi omwo vuvi vwavo. Njikanyongesa kulyalesa kwa vaka-muuka.

Isaya 48:22

“Shukulu Kalunga alinakwendeka ngwendi, Kukwesi kwoloka kuli vaka-vuvi.”

Isaya 65:20

Vimbututu kuvakatsi mu vwanike vwavo embwe, vanu voshe vakayoya simbu yakama. Vaje vakayoya myaka 100 vakasholoka anga vene ngwe vanike. Kutsa omo kanda simbu ije icete cikapwa cimweso ngeci yange njinavahisa.

Isaya 65:6

“Njinayongola laja cihiso cavo, co kusompa kwavo vanacisoneka. Kunjikoloka kuluu a vije vivanalingi, oloni njikavelwisilavwo

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Njelemiya 21:14

Oloni njikakunyanyamesa ngwe ku vilinga vyove. Njikenyeka lipela lyove, co tuhya tukenyeka vyuma vyoshe vije vyazengelekako. Yange Kalunga, njinendekamo.”

Njelemiya 31:30

“Oloni woshe uje akalya mikolovozi ya vushuka vwa vinyu vwakukamata, co akaziva kuwala ku mayo, co munu na munu akatsa omwo vuvi vwendi.”

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 18:20

Kuvanga munu uje alinga vuvi ikeye lika atsa. Mwana kasa kuyanda omwo vuvi vwa ishe embwe, nambe ishe kasa kuyanda omwo vuvi vwa munendi embwe. Munu wamuvwa vakamwana cikandelela omwo akulinga vuvwa, co munu wamuvi akayanda omwo a vuvi vwakalingi.

Ezekiyele 2:10

Co livoko lije njamwene lyazengunwine lije livulu lyakuzenga, co njamwene visoneka ku mitambela yoshe ya livulu mukati na anja, vasonekeleo majwi akulila nakulinyenga, nakukemanga na vusiwa.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 33:8

Nga njambulula ngwange munu woshe muka-vuvi akatsa, oloni yove kuumunangula ngeci atenguluke ku vingila vyendi ayoye, co atsa anga nacipu muka-vuvi, co njikakwana mulonga omwo a kutsa kwendi.

Mika 3:4

Simbu ilinakwija omo mukalilila kuli Shukulu Kalunga, oloni kakamikumbulula, kakatolilila ku malombelo eni, omwo munalingi vuvi.

Mika 7:13

Oloni lifuti likapwa ngundu omwo ya vuvi vwa vaje valimo.

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Maako 9:57

Co Njambi lalo wamwesele vanu va ku Shekeme tuyando omwo vuvi vwavo, ngwe Yotame muna Ngilyone wendekele ngeci mukemwo vene muvakafwa omwo wavasingile.