Isaya 3:1 - Livulu lya Shukulu Kalunga

¹ Shukulu Kalunga, Muka-nzili yoshe, natundisa vyuma vyoshe na vanu voshe vaje vavakulaela mu Yelusalema na mu Yunda. Ikeye akavanyeka vyakulya vyavo na mema avo,

Isaya 3:1 Iomraidhean Croise

2 Vimyene 25:3

A litangwa lyamucitanu na awana ku ngonde yamuciwana ku mwaka uje vene, omwo njala ya lyangengela yapwile yakama manene ngeci vanu kuvakele na vyakulya,

Myaso 105:16

Shukulu Kalunga watumine njala ya lyangengela mu lifuti lyavo, co mu lifuti mwoshe kumwakele vyakulya.

Isaya 1:24

Ngecivene, ololo tolilila kuli vije vyendeka Shukulu Kalunga Muka-nzili yoshe, Njambi ya Isalele muka-kushwana wa nzili ngwendi, “Njikalinga shambandinga ali yeni vitozi vange, co kumukanjinenela lalo tuyando.

Isaya 2:22

Kesi mukulaele vanu, omwo simbu ilinakwija omo vakatsa, co vasa kumikwasa vatijo?

Isaya 3:16

Shukulu Kalunga nendeka ngwendi, “Kengeni kulyalesa kwa vanakazi va mu Yelusalema! Venda nakukezima na tumanambo twatundondo, oku makai a ku mendi avo oya ca, ca.

Isaya 36:12

Co ikeye wavakumbulwile ngwendi, “Kuma mwayongola ngweni mwene nanjitumu kuli yeni lika na kuli mwene kumileka evi vin̄anda ndi? Embwe, njilinakwendeka lalo kuli vanu ava vanatumbama a civumbe, vaje vakalya vije vitunda mwimo lyavo nakunwa mema aa mivila yavo, ngwe yeni lalo.”

Isaya 5:13

ngecivene, vakamitwala ku mafuti eka kupwa vinzinda. Vantwama veni vakatsa ku njala, co vanu vangoco vakatsa ku lihwila.

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 9:20

Co mu lifuti mwoshe vanu vakanyangula nakulya tuvyakulya tumo tuvasa kuwana, oloni kuvakasa kukuta. Valya nameme vene vana vavo!

Njelemiya 37:21

Ngecivene, Mwene Zendekiya washikile ngeci vanjishokele mu cipango ca vaka-kunyunga lipela, co njakele muje, a litangwa na litangwa vakele nakunjana mukasha wa likende, watundile kuli vaka-kwoca makende, noo makende oshe ahwile mu nganda.

Njelemiya 38:9

“Shukulu yange, eci vanalingi ava vanalume cinapu cacivi. Vanaaka Njelemiya mu lisima, muje nasa kutsilamo na njala nga muno mu nganda mukajeneka vyakulya.”

Njelemiya 52:3

Shukulu Kalunga waluvalele manene na vanu va mu Yelusalema na mu Yunda, ngeci wavazilwile kutunda ku mesho endi. Zendekiya watengulukilile Mwene Nevukaneza wa ku Mbambilone nakumulwisa,

Njelemiya 52:6

Co a litangwa lyamucitanu na awana ku ngonde yamuciwana mu mwaka uje vene, omo njala ya lyangengela yapwile yakama manene mu nganda, ngeci vanu kuvakele na vyakulya,

Mbimbi 5:4

Tunapande kufweta mema tulinakunwa, co tunapande kulanda vitale vyakwota vije tunajeneka.

Ezekiyele 14:13

“Muna munu, nga lifuti lilinga vuvi, nakujeneka kulongwa kuli yange, co njikolola livoko lyange nakuviisa vyakulya vyamwo. Co njikatumamo njala ya lyangengela nakutsiya vanu na tusitu mu cifwa cimolika.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Amose 4:6

“Yange njanenele njala ya lyangengela mu vinganda vyeni vyoshe, oloni kumwelukile kuli yange.

Mika 4:9

Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi?