Isaya 29:9 - Livulu lya Shukulu Kalunga

⁹ Komokeni nakukasama! Lipwiseni vupuputwa kumona! Pendeni oloni kesi na vinyu! Pelyangeleni oloni kesi na vwala vwakulula!

Isaya 29:9 Iomraidhean Croise

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 19:14

Shukulu Kalunga naaka muli vakevo munzinzime wakuvatanganesa. Vantwama va Ingito vanalingisa lifuti eli ngeci lipelyangele nakulishanjela ngwe muka-kupenda.

Isaya 29:1

Mutula wa Njambi, ukewo Yelusalema vene, unanyongo! Nganda muje mwashimbikile Ndaviti cilombo inanyongo! Nganda eyi ilisambe na viwano vyamwo mwaka na mwaka,

Isaya 29:10

Shukulu Kalunga namilalesa manene mu tulo. Vaka-kwimanena vakevo mesho a vanu, oloni Njambi nazivalesa mesho avo.

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 51:17

Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Njelemiya 13:13

Asinoni valeke ngwove, ‘Yange Kalunga, njikashulisila vinyu vanu va mu lifuti lino noo vakapenda, vimyene vatekulwila va Ndaviti, na vaka-kukombelela, na vaka-kwimanena, na vanu voshe va mu Yelusalema.

Njelemiya 2:12

Ngecivene, njishika lilu lijaje na lyova, valikomokele nakukasama,

Njelemiya 23:9

Mbunge yange inazeye, co njilinakujaja. Omwo Shukulu Kalunga, omwo majwi endi akujela Njinafu ngwe munu wakupenda, ngwe munu nanu manene vinyu.

Njelemiya 25:27

Asinoni Shukulu Kalunga wendekele kuli yange ngwendi, “Leka vanu ngwove yange Kalunga Muka-nzili yoshe, Njambi ya Isalele, njivashika vanwe vapende nakushanja, vawe kesi venduke, omwo a nzita ije njituma kuli vakevo yakuvalwisa.

Njelemiya 4:9

Shukulu Kalunga wendekele ngwendi, “A litangwa lije omo vyuma evi vikasholoka, vimyene na vamyata vakazeya mu vimbunge vyavo, vaka-kukombelela vakalijujukila, co vaka-kwimanena vakalikomokela.”

Njelemiya 51:7

Mbambilone yapwile ngwe nganja ya ngolinde mu livoko lyange, kupendesa miyati yoshe. Miyati vanwile vinyu vyayo, co vapendele.

Mbimbi 4:21

Yeni vanu va Endome na Uze, joleleni, vwaeleleni mwoshe mumunashakela. Neni lalo tuyando tweni tulinakwija, neni lalo mukapelyangela mushelengwa na shwamwa.

Hambakuke 1:5

Asinoni Shukulu Kalunga wendekele kuli vanu vendi ngwendi, “Kengeni akati ka miyati ya vanu ava vanamizengeleka, co mukalikomokela a vyuma vimukamona. Njikalinga cuma cimo cije kumukakulaela nameme mukaciziva.

Mateo 26:45

Asinoni welukile kuli vandongisi vendi, wavehwile ngwendi, “Kuma anga munacilala nakuhwima ndi? Kengeni! Simbu inete laja, omwo Muna Munu valinakumwana ku nzili ya vaka-vuvi.

Mako 14:41

Co welukile lalo simbu yamucitatu, wendekele kuli vakevo ngwendi, “Kuma anga munalala nakuhwima ndi? Munapwisamo! Simbu inete laja! Kengeni, Muna Munu valinakumwana ku mavoko a vaka-vuvi.

Kujombolola 17:6

Co njamwene ngeci uje munakazi wapendele na maninga a vanu va Njambi na maninga a vaje vavatsiile omwo vapwile va kulongwa kuli Yesu. Omo njamumwene njalikomokelele manene.