Isaya 29:5 - Livulu lya Shukulu Kalunga

⁵ Yelusalema vitozi vove voshe vaje vakulwisile vakapekumuka ngwe likungu, na mbunga ya mashwalale vavo vakujujwisa vakavapekumuna ngwe vishati. Vwasi-vwasi, kuzivuka,

Isaya 29:5 Iomraidhean Croise

Yombi 21:18

Nakuvapekumwina kulyala ngwe mwila upekumuka na kankumba, nambe ngwe likungu lipekumuka na lihunzi?

Myaso 1:4

Oloni vaka-vuvi kuvesi ngeci embwe, vakevo vanalifu na lijungu lije lilinakupekumuka na lihunzi.

Myaso 35:5

Vapwe ngwe lijungu lyakupekumuka na lihunzi, omo kangelo ka Shukulu Kalunga avasheka!

Isaya 13:11

Shukulu Kalunga endeka ngwendi, “Njikahisa kaye omwo vuvi vwako, nakuhisa lalo vaka-vuvi omwo vuvi vwavo. Njikanyongesa kulyalesa kwa vaka-muuka.

Isaya 25:3

Vanu vaka-mafuti a nzili vakakushangazala, vakakukomoka mu vinganda vya miyati ya vaka-muuka.

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Isaya 25:5

ngwe lilanga mu lifuti lyakujeneka nyonzi. Oloni yove Shukulu Kalunga, unolwesa vitozi vetu, ukolwesa mitambi ya vaka-muuka ngwe lishelwa lije lifwika a litangwa.

Isaya 29:20

Cikapwa ca mamaneselelo kuli vaje vaka-muuka vaka-kuyeluwisa Njambi. Co muka-vuvi woshe vakamunyongesa.

Isaya 30:13

Ngecivene, mulonga weni unapu ngwe civumbe cacilaja cije cili na mwanzi wakutunda kwilu nakweta kwisi, co vwasi-vwasi ciwila asi.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 31:8

VaAsilya vakavatsiila mu nzita, oloni kesi na mikwale ya vanu embwe. Vakwenje vavo vakeseka kuputumuka, oloni vakavakwata nakuvapwisa vindungo.

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 40:15

Miyati ya vanu inapu yangoco kuli Shukulu Kalunga, inapu ngwe limbase lya mema mu lilonga, na man̄anda aje ali alyala anapu ngwe likungu.

Isaya 41:11

“Voshe vaje vanamiluvalela, vakaziva shwamwa nakukomoka. Vaje valinakumilwisa vakanyonga,

Isaya 41:15

Njikamipwisa ngwe likina lyakujungwisa, lije lili na mayo amaha akuvambuka. Mukajungula minkinda ngwe muvakajungula tiliku nakuyishalamesa, co malundu akatsenoka kupwa likungu.

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 47:11

Tuyando twakama tukaija ali yove vwasi-vwasi kujeneka yove kuzivuka, co manseno ove oshe kuwakakukwasa.

Isaya 48:3

Shukulu Kalunga alinakwendeka ku Isalele ngwendi, “Laja njambulwile vije vikalingiwa, cooni vinalingiwa.

Amose 5:9

Ikeye anyongesa mashwalale vaka-nzili nakusiwula vimpaka vyavo vyakukola.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.