Isaya 29:15 - Livulu lya Shukulu Kalunga

¹⁵ Ngongo yavo vaje vashwekela Shukulu Kalunga matumbe avo. Vaje valinga vyuma mu vushweke, co valinakuyongola ngwavo naumo wai navamono nambe kuzivuka vije valinakulinga.

Isaya 29:15 Iomraidhean Croise

2 Samwele 11:27

Omo simbu yakulila yahwile, Ndaviti wanenele Mbateshemba mu lipela lyendi, wapwile munakazi wendi, co wakitile mwana wa munalume. Oloni Shukulu Kalunga kavwaelelele a vije vyalingile Ndaviti.

2 Vimyene 17:9

VaIsalele valingile vyuma vije kashakele Shukulu Kalunga Njambi yavo. Vatungile mitambela yakulemesela vaka-kujeneka kukulaela mu vinganda vyavo vyoshe, kushangumuka ku limbo lyalindondo, kweta na ku nganda yakama.

Yombi 34:22

Kukwesi lisusulungu lyakuzivala vwii lyasa kushweka muka-vuvi ku mesho a Njambi.

Myaso 59:7

Tolilila kushaula kwavo nakujujwisa kwavo! Majwi a mu tunwa twavo anapu ngwe vimoko vya mukwale, vayongola ngeci naumo wai avaziva.

Myaso 73:11

Vendeka ngwavo, “Njambi azivuka vatijo? Wa Akamwa ya Akamwa amona vatijo?”

Myaso 83:3

Valinakutumba matumbe a mu vushweke akulwisa vanu vove, valinakulinga munga yakulwisa vaje vaunanyungu.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Isaya 57:12

Mulinakuyongola ngweni evi mulinakulinga vinapu vyavivwa, oloni yange njikamizivisa shwamwa a vilinga vyeni, co tumponya tweni kuvakamikwasa.

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ezekiyele 8:8

Wendekele ngwendi, “Muna munu, tuva civumbe.” Njatuvile civumbe, co njawanene cikolo.

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Hoziya 5:2

Yeni munapu ngwe mbulu ya ku Akasha, co njikaminyanyamesa yeni voshe.

Zefaniya 1:12

“A simbu ije njikambata ndeya nakushakezeka mu Yelusalema. Njikanyanyamesa vanu vaje valinakulivwaelelesa nakulikulaesa vakevo vavenya, vaje vendeka ngwavo, ‘Shukulu Kalunga kakalingi cuma cimo kuli yetu.’

Malakiya 2:17

Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”

Yowano 3:19

Co omu mukemwo mucikapanga cihiso, ceke cinaija ano a kaye, oloni vanu vazema lisusulungu kutuvakana ceke, omwo vilinga vyavo vyapwa vyavivi.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.