Isaya 29:14 - Livulu lya Shukulu Kalunga

¹⁴ Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Isaya 29:14 Iomraidhean Croise

Yombi 12:17

Ikeye akatundisa mana a vaka-kushwana, co apangesa vantwama ngwe vilema.

Yombi 5:13

Vaka-kunyanyama vatsa mu myeto na kutsa mu matumbe avo vavenya,

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 28:21

Shukulu Kalunga akalwa ngwe mwalwile a Munkinda wa Pelazime na mu Cimbongo ca Ngimbiyone, oloni a simbu eyi Shukulu Kalunga akalinga cuma cakukomokesa, kesi ngwe muje mumunayongola yeni embwe.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 63:17

Omwo vikajo unatwecelela tutunde kuli yove? Omwo vikajo unakaluwisila vimbunge vyetu ngeci kesi tukukomoke? Iluka, yetu tunapu vangamba vove na vanu vove simbu yoshe.

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 49:7

Evi vikevyo vyendekele Shukulu Kalunga Muka-nzili yoshe ali Endome ngwendi, “Kuma vaka-Endome vanazimbalesa kusompa kwavo kwakuvwa ndi? Kuma vaka-kuvanangula vavo kuvasa kuvaleka vije vivanapande kulinga ndi? Kuma mana avo oshe anahu ndi?

Ovandiya 1:8

“A litangwa lije omo njikahisa Endome, njikanyongesa vanu vamwo vakunyanyama, nakumanesa mana avo oshe.

Hambakuke 1:5

Asinoni Shukulu Kalunga wendekele kuli vanu vendi ngwendi, “Kengeni akati ka miyati ya vanu ava vanamizengeleka, co mukalikomokela a vyuma vimukamona. Njikalinga cuma cimo cije kumukakulaela nameme mukaciziva.

Luka 10:24

Mwa vushunga njimileka ngwange vaka-kwimanena vavangi na vimyene vavangi vashakele manene kumona vyuma vije vimulinakumona, oloni kuvavimwene, nambe kuziva vije vimulinakuziva, oloni kuvavizivile.”

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,