Isaya 29:13 - Livulu lya Shukulu Kalunga

¹³ Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 29:13 Iomraidhean Croise

Myaso 17:1

Yove Shukulu Kalunga, tolilila mutambi wange wakukulambelela ngeci unjilingile vushunga, ziva mutambi wange wakunjikwasa! Ziva lilombelo lyange lya vushunga.

Myaso 50:16

Oloni Njambi alinakwendeka kuli muka-vuvi ngwendi, “Omwo vikajo wambulwila vizilika vyange? Nambe kutumbula cikumiiyo cange na kanwa kove?

Visimo 30:6

Kesi uwezelele ku majwi anendeka Njambi, kutewa akakuluvalesa, nakukupwisa munu wa makuli.”

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 29:1

Mutula wa Njambi, ukewo Yelusalema vene, unanyongo! Nganda muje mwashimbikile Ndaviti cilombo inanyongo! Nganda eyi ilisambe na viwano vyamwo mwaka na mwaka,

Isaya 29:12

Nga ulyana ku munu umo uje kazivuka kulava nakumulomba ngeci akulavelelyo, co akakukumbulula ngwendi, “Kunjizivuka kulava.”

Isaya 30:11

Kesi mutuleke vije vyanendeka Njambi. Kutushaka kuziva vya Njambi wakujela wa Isalele.”

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 63:17

Omwo vikajo unatwecelela tutunde kuli yove? Omwo vikajo unakaluwisila vimbunge vyetu ngeci kesi tukukomoke? Iluka, yetu tunapu vangamba vove na vanu vove simbu yoshe.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Ezekiyele 14:1

Vamo vantwama va vaIsalele vezile nakunjihula cizango ca Shukulu Kalunga.

Ezekiyele 33:30

Shukulu Kalunga wendekele ngwendi, “Muna munu, vanu vove valinakusimutwiya ali yove, omo vakungulukila ku vivumbe vya nganda nambe ku vikolo vya vinjuvo vyavo kuje kuli mbanja. Co valyendekesa umo na mukwavo ngwavo, ‘Tuyeni tukazive majwi mukajo anatundu kuli Shukulu Kalunga ololo!’

Hoziya 7:14

Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Kolose 2:22

Vyuma vyoshe evi vilumbununa vyuma vije vipwa vyakujeneka seo anima yakuvipangesa, vinapu lika mashiko na vilongesa vya vanu.

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”