Isaya 29:11 - Livulu lya Shukulu Kalunga

¹¹ Kulumbunuka kwa vimona vyoshe vya vuka-kwimanena kunapu kwakushweka kuli yeni, kunapu ngwe livulu lyakushoka na kasateso. Nga ulitwala ku munu umo uje azivuka kulava nakumwihula ngwove lavamo, co ikeye ngwendi, “kunjasa kulilava omwo vanalishoko na kasateso.”

Isaya 29:11 Iomraidhean Croise

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 29:12

Nga ulyana ku munu umo uje kazivuka kulava nakumulomba ngeci akulavelelyo, co akakukumbulula ngwendi, “Kunjizivuka kulava.”

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Isaya 8:16

Yeni vandongisi vange, munapande kunyanyama nakunyunga majwi aje ananjana Njambi.

Ndanyele 12:4

Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Ndanyele 12:9

Co wanjikumbulwile ngwendi, “Ndanyele, ololo wasa kuya, omwo majwi awa unapande kuwanyunga nakuwashweka mu mbunge yove noo akukotoka.

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Kujombolola 6:1

Asinoni njamwene Muna Manga atavula kasateso kakulivanga ka tuje tusateso tutanu na tuvali, co njazivile umo wa vaje vikashama vawana vakuyoya endeka na lijwi lyakulifwa ngwe cililimo ngwendi, “Ija!”