Isaya 28:7 - Livulu lya Shukulu Kalunga

⁷ Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 28:7 Iomraidhean Croise

Myaso 107:27

Vatanozokele nakupelyangela ngwe vanu vaka-kupenda, na mana avo oshe ahwile.

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Visimo 23:30

Vyuma evi vili ku vanu vaje vazema kunwa vinyu, vanu vaje vazema kunwa vinyu vyakukumbasana.

Muka-kwambulula 10:17

Lifuti livezika omo mwene walyo napu wa mana, co vamyata vakalingi ciwano a simbu yaco, ngeci vakale na nzili kesi nakupenda.

Isaya 19:14

Shukulu Kalunga naaka muli vakevo munzinzime wakuvatanganesa. Vantwama va Ingito vanalingisa lifuti eli ngeci lipelyangele nakulishanjela ngwe muka-kupenda.

Isaya 22:13

Oloni yeni mwavwaelelele, co mwalisambele. Mwatsiile vimanga na vingombe, co mwalile nakunwa vinyu. Mwendekele ngweni, “Tunapande kulya nakunwa! Imene tutsa.”

Isaya 24:2

Cikafwa mumolika ku voshe, ku vaka-kukombelela na vanu vangoco, vindungo na vashukulu vavo, vaka-kulanda nakulandulula, na vaka-kukumwisa, na vaka-kukumuna, vaka-kufuka na tuutu.

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 28:1

Vumwene vwa Isalele vunanyongo! Vumwene vwavwo vulinakuhwa ngwe cilongo ca vishani cili ku mitwe ya vantwama vamwo vaka-kupenda. Mitwe yavo ya kulyalesa vanaivwavesa mwamuvwa mazi akunika lwengo lwaluvwa, oloni vanalala, vanapende vwala.

Isaya 29:11

Kulumbunuka kwa vimona vyoshe vya vuka-kwimanena kunapu kwakushweka kuli yeni, kunapu ngwe livulu lyakushoka na kasateso. Nga ulitwala ku munu umo uje azivuka kulava nakumwihula ngwove lavamo, co ikeye ngwendi, “kunjasa kulilava omwo vanalishoko na kasateso.”

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Isaya 43:27

Kukulwila yeni wakulivanga walingile vuvi, vantwama veni valingile vuvi vwakunjilwisa,

Isaya 5:11

Ngongo yeni! Yeni mumenekela kunwa vwala mutondo-tondo, co mupenda vutsiki vwoshe.

Isaya 5:22

Ngongo yeni! Vingenyenye va vingalafwa vya vinyu! Mwapwa vaka-kusimpa nakujeneka lyova omo mutsingasana vyakunwa!

Isaya 5:23

Oloni a lizika-kanwa ni, mukasambesa vaka-milonga, oloni vaje kuvesi na milonga kumwesi kuvasompa mwa vushunga.

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 23:13

Njinamono vuvi vwa vaka-kwimanena va ku Samaliya, vanambulula mu lizina lya Mbale nakuungumwisa vanu vange va Isalele.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Mbimbi 2:4

Wananele mikili yendi ali yetu ngwe citozi, ikeye watsiile voshe vaje twavwaelelele nakujolela navo. Twazivile vukalu vwendi ngwe tuhya muno mu Yelusalema.

Ezekiyele 13:7

Njivaleka ngeci vije vimona valinakumona vinapu vya makuli, na vuka-kwimanena vuje valinakwambulula vunapu vwa makuli. Yeni mulinakwendeka ngweni awa anapu majwi ange, oloni kunjendekele kuli yeni embwe!”

Ezekiyele 44:21

Vaka-kukombelela kuvapandele kunwa vinyu omo kanda vaciye mu cipango ca mbanja ya mukati.

Hoziya 7:5

A litangwa lya ciwano cakulisamba ca mwene, co vapendesele mwene na vamyata vendi na vinyu kuvapwisa vikolokomba.

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Hambakuke 2:15

Munavindama! Mu vukalu vweni mwapwisile vakweni ngwe vangoco na kuvazivisa shwamwa, mwavapelyangesele ngwe vaka-kupenda.

Hambakuke 2:16

Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa.

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Efeso 5:28

Mukemwo lalo vanalume vanapande kuzema vanakazi vavo ngwe muvakazeme mivila yavo vavenya. Munalume uje azema munakazi wendi alizema ikeye vavenya.