Isaya 28:22 - Livulu lya Shukulu Kalunga

²² Ngecivene, kesi mushendumune, kutewa mukakala mu vukalu vwakama manene kutuvakana kunima. Njinazivi vutumbe vwa Shukulu Kalunga Muka-nzili yoshe vwakunyongesa kaye koshe.

Isaya 28:22 Iomraidhean Croise

2 Mizimbu 30:10

Co miluwa vaile ku nganda na nganda ya mu lifuti lya miyati ya Efalime na Manase, vetele ku kunto ku muyati wa Zembuloni, oloni vanu vavashendumwine nakuvajola.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Myaso 107:16

Shukulu Kalunga atavula vikolo vya vunengu, nakuvatula mavalo a vutale.

Kutuuka 8:25

Asinoni mwene wasanene Mosesa na Alone wavalekele ngwendi, “Yeni mukakombelele kuli Njambi yeni mu lifuti lino vene.”

Visimo 19:29

Vilema voshe vakavahisa, nakuvapupa vivanzi a myongo yavo.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 28:23

Tolilileni vije njili na kwendeka, co akeni vimbunge ku vije vinjimileka.

Njelemiya 15:17

Kunjatumbamene amo na vanu veka, nambe kujola navo, nakuvwaelela amo navo embwe. Mukwononoka mashiko ove, njakele ange lika, vukalu vwove vwanjilemenenene manene.

Njelemiya 20:7

Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 25:11

Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 36:23

Omo Njehunde wamanesele kulava mikana itatu nambe iwana, co mwene watavwile lije livulu na moko yendi yaindondo nakulyumbila mu liko. Walitavozwele nakulyenyeka noo lyoshe lyahwile.

Njelemiya 39:7

Munima yevi, Zendekiya vamucakuvwile mesho, nakumukuta malyenge, ngeci vamutwale ku Mbambilone.

Mbimbi 1:14

Ikeye wazivukile vuvi vwange vwoshe co wavukutiiya amo vwoshe, wavuzengelele ku mukoshi wange, co vwanjizeyesele manene omwo vulemu vwavwo. Shukulu Kalunga wanjanene ku mavoko a vitozi vange, co njonwele kuvayeluwisa.

Ezekiyele 22:14

Anga ukapwa uwakunyanyama ndi? Anga ukakala na nzili omo njikalinga evi nove ndi? Munjinendeka yange Kalunga, co njikacilinga.

Nahumi 1:9

Vika mulinakutumba matumbe amavi ali Shukulu Kalunga? Akaminyongesa yeni. Vasa kumuyeluwisa lumolika oloni kesi luvali embwe.

Mateo 27:39

Co vanu vakele nakwita kuje vaningangesele mitwe yavo nakushaula Yesu,

Mateo 27:44

Nameme vezi lalo vaje vavashukikile amo nendi vamushawile mu cifwa cimo.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Vilinga vya Miluwa 17:32

Omo vazivile Paulu endeka akusanguka ku vatsi, vamo vamushendumwine, oloni veka vendekele ngwavo, “Tushaka ngeci wendeke vyuma evi lalo.”