Isaya 28:21 - Livulu lya Shukulu Kalunga

²¹ Shukulu Kalunga akalwa ngwe mwalwile a Munkinda wa Pelazime na mu Cimbongo ca Ngimbiyone, oloni a simbu eyi Shukulu Kalunga akalinga cuma cakukomokesa, kesi ngwe muje mumunayongola yeni embwe.

Isaya 28:21 Iomraidhean Croise

2 Samwele 5:20

Ngecivene, Ndaviti waile ku Mbale Pelazime, co wakafungulwile vaFilisitiya kuje. Asinoni wendekele ngwendi, “Shukulu Kalunga nakupula vitozi vange ngwe mema a livazi.” Ngeci mutambela uje vautumbwile ngwavo Mbale Pelazime.

2 Samwele 5:25

Ndaviti walingile ngwe muje mwamushikile Shukulu Kalunga, co wafungulwile vaFilisitiya kutunda ku Ngeva kweta na ku Ngezele.

1 Mizimbu 14:11

Ngecivene, Ndaviti wavalwisile ku Mbale Pelazime, co wavafungulwile. Wendekele ngwendi, “Njambi nakupula vitozi vange ngwe mema a livazi.” Ngecivene, mutambela uje vautumbwile ngwavo Mbale Pelazime.

1 Mizimbu 14:16

Ndaviti walingile ngwe muje mwamushikile Njambi, co wafungulwile vaFilisitiya kutunda ku Ngimbiyone mu ngila mwoshe kweta na ku Ngezele.

Myaso 94:16

Iyajo wanjikwasele nakulwisa vaka-vuvi? Iyajo wemanene nange nakulwisa vanu vavavi?

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 28:19

Mutondo na mutondo, mutanya na vutsiki livazi lyakujujwisa likamyungumuna. Co lijwi limo na limo lyakutunda kuli Njambi likaminenela lyova!

Isaya 29:14

Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 64:2

Pwa ngwe tuhya tuje tutupwisa mema. Ija usholole nzili yove kuli vitozi vove, na miyati ya vanu vajaje omwo uli kuyehi navo!

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Mbimbi 2:15

Vanu vaita mu nganda vakushendumuna omo vakukenga. Valipika ku mitwe yavo nakujola akuviya kwa Yelusalema ngwavo, “Eyi ikeyo vene nganda ije yaivwa? Nganda yakujolela ano a kaye oshe?”

Mbimbi 3:33

Nalumo lwai avwaelela mukutuyandesa nambe kutuzivisa kuvavala.

Ezekiyele 33:21

A litangwa lyamucitanu ku ngonde yamulikumi mu mwaka wamulikumi na ivali wa vunzinda vwetu, munalume umo uje waputumukile kutunda ku Yelusalema wezile nakunjileka ngwendi Yelusalema inasiwuka.

Hambakuke 1:5

Asinoni Shukulu Kalunga wendekele kuli vanu vendi ngwendi, “Kengeni akati ka miyati ya vanu ava vanamizengeleka, co mukalikomokela a vyuma vimukamona. Njikalinga cuma cimo cije kumukakulaela nameme mukaciziva.

Yoshwa 10:10

Ngecivene, Shukulu Kalunga wauya-wuyisile vaAmoli ku mesho a vaIsalele. Co vaIsalele vatsiile vaAmoli ku Ngimbiyone, asinoni vavashekelele ku ngila yakwita ku lilundu ku Mbete Holone, co vatsiile vanu vavangi nakuvasheka nakuvetesa ku mbwela ya ku Azeka, na ku Makenda.

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

Yoshwa 10:12

A litangwa lije Shukulu Kalunga waanene nzili vaIsalele yakufungulula vaAmoli, Yoshwa wendekele kuli Shukulu Kalunga ku mesho a vaIsalele ngwendi, “Ove litangwa, imana akamwa ya Ngimbiyone, nove ngonde, imana akamwa ya Cana ca Ainjalone.”