Isaya 28:19 - Livulu lya Shukulu Kalunga

¹⁹ Mutondo na mutondo, mutanya na vutsiki livazi lyakujujwisa likamyungumuna. Co lijwi limo na limo lyakutunda kuli Njambi likaminenela lyova!

Isaya 28:19 Iomraidhean Croise

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 18:13

Mu mwaka wamulikumi na iwana omo Mwene Hezekiya washwanene, Senakelivi, mwene wa mu Asilya, walwisile vinganda vyakele mu cimpaka ca Yunda, co wavifungulwile.

2 Vimyene 21:12

Ngecivene, yange Kalunga Njambi ya Isalele, njikanena n̄avava a Yelusalema naa Yunda ngeci munu woshe uje akazivako akalikomokele.

2 Vimyene 24:2

Shukulu Kalunga watumine vimbunga vya mashwalale vya vaMbambilone na vya vaSilya na vya vaMowavi na vya vaAmoni kulwisa Yehoyakime ngeci vanyongese Yunda, ngwe muje mwendekele Shukulu Kalunga ali vangamba vendi vaka-kwimanena ngeci akacilinga.

Yombi 18:11

“Vyakujujwisa vikamuzengeleka nakumuzivisa lyova, co vikamukava mu manambo endi oshe.

Yombi 24:17

Vatewa ceke ca litangwa, oloni kuvazivi lyova omo lisusulungu liija.

Yombi 41:9

“Munu woshe uje amona levyatane, alijujukila nakuwila asi.

Yombi 6:4

Njambi Muka-nzili yoshe nanjasha mikili, ngeci vulembe vwayo vunajalakana mu muvila wange. Vyakujujwisa vya Njambi vilinakunjilwisa.

Myaso 55:4

Mbunge yange inashulu na lyova, co njinajujuka manene na lyova lya kutsa.

Myaso 88:15

Tunde ku vwanike vwange, njinayanda manene nakweta kuyehi na kutsa, njinazeye na vihiso vyove.

Isaya 33:7

Mashwalale vakusimpa valinakutambeka ngeci vavakwase. Miluwa vaje vashakele kunena kwoloka ololo valinakulila manene.

Isaya 36:22

Co Elyakime, na Shevana, na Yowahe vatavozwele vuzalo vwavo mukuviilila, co vakalekele mwene vije vyendekele mwata wa Asilya.

Isaya 37:3

Awa akewo majwi avalekele Hezekiya ngeci vaambulule kuli Isaya ngwavo, “Litangwa lya lelo linapu litangwa lya tuyando, vanatuhisa, co tuli mu vusiwa. Tunalifu na munakazi uje ashaka kukita, oloni kesi na nzili yakukita.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Njelemiya 19:3

Ya ukendeka ngwove Shukulu Kalunga nendeka ngwendi, ‘Tolilileni yeni vimyene va mu Yunda, na vanu va mu Yelusalema, tolilileni vinjendeka yange Kalunga Muka-nzili yoshe, Njambi ya Isalele. Njikanena tuyando twakama mu mutambela ou ngeci vanu voshe vakatuziva vakalikasamena.

Njelemiya 4:5

Imbeni lupembo mu lifuti mwoshe! Tambekeni manene, ngeci vamizive! Lekeni vanu va mu Yunda na vanu va mu Yelusalema vashatukile ku vinganda vya mu cimpaka.

Njelemiya 4:9

Shukulu Kalunga wendekele ngwendi, “A litangwa lije omo vyuma evi vikasholoka, vimyene na vamyata vakazeya mu vimbunge vyavo, vaka-kukombelela vakalijujukila, co vaka-kwimanena vakalikomokela.”

Njelemiya 6:24

Vanu va mu Yelusalema vanendeka ngwavo, “Tunauzivi muzimbu, co mavoko etu anazeye, vukalu vwa mushongo wakukemanga vunatuwana, co tulinakukemanga ngwe munakazi ashaka kukita.

Mbimbi 2:22

Yove walanyele vitozi vange ngwe ku litangwa lya ciwano, ngeci vanjizivise munjunju. Co naumo wai waputumukile a litangwa lya vukalu vwove. Vatsiile vana vange, vaje njalelele nakuvazema.

Ndanyele 7:28

Aa akeo anahwila majwi. Yange Ndanyele njakele na lyova manene, cihanga cange cafufutukile, co njanyungile majwi oshe awa mu mbunge yange.

Ndanyele 8:27

Co yange Ndanyele, njazeyele manene nakuvinja matangwa amo. Asinoni njendukile, co njapangele vipangi vya mwene vije vyanjikundikile, oloni njalikomokelele a cimona cije kunjasele kucizivisisa.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

1 Samwele 3:11

Co Shukulu Kalunga wendekele ngwendi, “Litangwa limo njikalinga cuma cimo cakukomokesa kuli vanu va Isalele ngeci munu woshe uje akaciziva cikamukomokesa.