Isaya 28:17 - Livulu lya Shukulu Kalunga

¹⁷ Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 28:17 Iomraidhean Croise

2 Vimyene 21:13

Njikanyanyamesa Yelusalema ngwe munjalingile na nganda ya Samaliya, na muje munjalingile na Mwene Ahave wa mu Isalele na vatekulwila vendi, njikanyongesa vanu va mu Yelusalema, ngwe munu akusha lilonga nakulisikumuna, co alifulumika.

Yombi 22:16

Nameme simbu yavo te kanda icete, livazi lyavakupwile nakuvongumwina kulyala.

Myaso 94:15

Vushunga vukeluka lalo ku vaka-kulongwa, co voshe vaje vaka-kupanga mwamuvwa vakavukavangeya.

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 30:28

Ikeye akatumu lihunzi kulutwe lwendi, co lipwa ngwe livazi lije lisindumwina vyuma vyoshe kulyala. Likakombo mafuti nakuwanyongesa nakumanesa matumbe avo amavi.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 23:19

Vukalu vwendi vunapu lisindu-mbowe, vwapwa lihunzi lyakukomokesa, lya vukalu lije likaija a mitwe ya vaka-vuvi,

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Ezekiyele 38:22

Njikahisa Ngonge na mushongo wakulitambwisa na kutsa. Co njikanyokesa nyonzi ya mingole na nyonzi ya mamanya, amolika na tuhya na sulufa, co aketikila ali ikeye na a mashwalale vendi, na a miyati yaingi vaje vali ku mutambela wendi.

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.

Nahumi 1:8

Akanyongesa vitozi vendi njwa ngwe mulikajalela livazi, atwala ku kutsa vaje vamuyeluwisa.

Mateo 7:27

Co omo nyonzi yanyokele, na livazi lyezile, co lihunzi lyakama lyahuwile nakuningangesa ije njuvo, co yawile, co kuwa kwayo kwapwile kwakuvi manene!”

Loma 2:2

Twazivuka ngeci Njambi wapwa wa vushunga omo ahisa vanu vaje vakalingi vyuma ngwe evi.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 9:28

omwo Shukulu Kalunga akasompa vwasi-vwasi vanu voshe va ano asi a simbu imolika nakumanesa.”

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

Kujombolola 11:19

Asinoni Njuvo ya Shukulu Kalunga ya mwilu yashokolokele, na Cikasa ca Cikumiiyo vacimwene muje. Asinoni kwakele kuvyakula kwa mihyato na mikalateto nakujaja kwakama kwa kaye na cililimo na nyonzi yakama ya mamanya.

Kujombolola 16:21

Nyonzi yakama ya mamanya yanyokele, limanya limo na limo akulipeselesa lyapwile ngwe makilo makumi atanu, atundile mwilu nakuwila a vanu, vaje vashawile Njambi omwo tuyando twa nyonzi ya mamanya, omwo kayando kaje kapwile kakukomokesa manene.

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”

Kujombolola 8:7

Kangelo wakulivanga wembile lupembo lwendi, co kwanyokele nyonzi ya mamanya na tuhya, vyakukumbasana na maninga vyetikilile asi, co litambelo lyamucitatu lya asi lyenyele njwa na litambelo lyamucitatu lya mwila woshe wakuzivuluka lyenyele njwa.