Isaya 28:16 - Livulu lya Shukulu Kalunga

¹⁶ Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Isaya 28:16 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

Myaso 118:22

Limanya lije livavyanene vaka-kutunga, likelyo ololo linapu lya seo yakama kuli voshe.

Myaso 87:1

Shukulu Kalunga watungile nganda yendi a lilundu lyakujela.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 54:11

Shukulu Kalunga alinakwendeka ngwendi, “Yelusalema, nganda ya tuyando, na nganda yakujeneka seo, naumo wai akakuzembeleka, njikatungulula luvula lwove na mamanya a seo yakama.

Ndanyele 2:45

Co wamwene limanya lije lyatendukile kutunda ku munkinda kujeneka umo kulikwata, co likelyo lyavujwile kaje kamponya kakupanga na vutale, na vunengu, na vuma, na siliva, na ngolinde. Njambi uje wakama alinakukunangula yove shukulu vije vikalingiwa kulutwe. Mwa vushunga njinakulumbunwina mwamuvwa njozi yove, co njinakuleke muyinalumbunukila.”

Zakaliya 10:4

Akati kavo akatunda vaka-kushwana, na vantwama, na vaka-kushika mukushwana vanu vange.

Zakaliya 3:9

Njaka limanya limo kulutwe lwa Yoshwa lije likakala na mitambela itanu na ivali. Njikolao masona a cimweso, co mu litangwa limolika njikatundisa vuvi vwa lifuti eli.

Mateo 21:42

Yesu wendekele kuli vakevo ngwendi, “Kumwalavele majwi awa mu visoneka ndi? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe. Eci cikeco calingile Shukulu Kalunga, co cinapu cakukomokesa kuli yetu!’ ”

Mako 12:10

Mwa vushunga kumwalavele majwi awa mu visoneka ndi? ‘Limanya lije livavyanene vaka-kutunga, likelyo ololo linapu lya seo kuli voshe.

Loma 10:11

Visoneka vyendeka ngwavyo, “Woshe uje akulaela kuli ikeye kakazivi shwamwa.”

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

1 Kolinte 3:11

Omwo Njambi naaka laja Yesu Kilistu kupwa luvula lumo, co kukwesi lalo luvula lweka vasa kujala lwai.

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”