Isaya 28:15 - Livulu lya Shukulu Kalunga

¹⁵ Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 28:15 Iomraidhean Croise

Kushangumuka 37:20

Tulivwaeseni tumutsiye tumumbile mu mbulu. Co twasa kukendeka ngwetu cikashama namukwata. Asinoni tukamone oni vinjozi vyendi indi vikapanga vika.”

Yombi 5:23

Mahya awukalima kuwakakala na shaku, co vikashama kuvakakulwisa.

Muka-kwambulula 8:8

Naumo wai asa kuvyana litangwa lyendi lya kutsa. Eci capwa cuma cacikalu cije kutwasa kuvyana, kutwasa kuputumuka ku cikeco.

Isaya 28:18

Cikumiiyo mwalikumiiye na kutsa cikahwa, co lizivasano mwalizivasanene na lifuti lya vukalo vwa vatsi vakalitundisa. Co vukalu vwa mankimba akungwanjanga akamikupula.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 29:15

Ngongo yavo vaje vashwekela Shukulu Kalunga matumbe avo. Vaje valinga vyuma mu vushweke, co valinakuyongola ngwavo naumo wai navamono nambe kuzivuka vije valinakulinga.

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Isaya 30:10

Vendeka kuli vaka-kwimanena ngeci voloke kuluu ngwavo, “Kesi mutuleke vya vushunga. Tulekeni lika vyuma vyavivwa. Ambululeni lika vya makuli.

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 30:28

Ikeye akatumu lihunzi kulutwe lwendi, co lipwa ngwe livazi lije lisindumwina vyuma vyoshe kulyala. Likakombo mafuti nakuwanyongesa nakumanesa matumbe avo amavi.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Isaya 59:4

Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Njelemiya 13:25

Shukulu Kalunga nendeka ngwendi ou ukewo mutambela wove unjinakwana, omwo unanjivala, co unakulaela vinjambi va makuli.

Njelemiya 14:13

Asinoni njendekele ngwange, “Shukulu Kalunga wa Akamwa ya Vyoshe, wazivuka ngeci vaka-kwimanena valinakuleka vanu ngwavo yove wakulaesele ngwove kukukakala nzita, nambe njala ya lyangengela, kukakala lika kwoloka mu lifuti lyetu.”

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Ezekiyele 13:16

vakevo vaje vaka-kwimanena vakulaesele Yelusalema ngwavo vyuma vyoshe vinapu vyavivwa, kuma vyuma kuvyapwile vyavivwa embwe!” Mwanendeka Shukulu Kalunga wa Akamwa ya Vyoshe.

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Ezekiyele 22:28

Vaka-kwimanena vanashweke vuvi ovu ngwe vanu muvakakwiti civumbe na mufwitilo wakutoka. Vakamono vimona vya makuli, co vambulula vyuma vya makuli. Vendeka ngwavo evi vikevyo vyanendeka Shukulu Kalunga wa Akamwa ya Vyoshe, oloni yange Kalunga, kunjendekele kuli vakevo embwe.

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Amose 6:13

Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”

Yona 2:8

Voshe vaje vaka-kulemesa tumponya twangoco vanakukengesa nima yove Muka-kutetela.

Zefaniya 1:12

“A simbu ije njikambata ndeya nakushakezeka mu Yelusalema. Njikanyanyamesa vanu vaje valinakulivwaelelesa nakulikulaesa vakevo vavenya, vaje vendeka ngwavo, ‘Shukulu Kalunga kakalingi cuma cimo kuli yetu.’