Isaya 28:1 - Livulu lya Shukulu Kalunga

¹ Vumwene vwa Isalele vunanyongo! Vumwene vwavwo vulinakuhwa ngwe cilongo ca vishani cili ku mitwe ya vantwama vamwo vaka-kupenda. Mitwe yavo ya kulyalesa vanaivwavesa mwamuvwa mazi akunika lwengo lwaluvwa, oloni vanalala, vanapende vwala.

Isaya 28:1 Iomraidhean Croise

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Mizimbu 28:6

Peka muna Lemaliya, wafungulwile Ahaze, co watsiile mashwalale vakupwa 120,000 vakusimpa va vaYunda mu litangwa limo. Shukulu Kalunga, Njambi ya vakukulwila vavo watavele ngeci eci cilingiwe, omwo vanu va mu Yunda vamuvyanene.

Visimo 23:29

Iyajo ali mu tuyando? Iyajo ali mu vusiwa? Iyajo muka-lwozi? Iyajo alinakulinyenga? Iyajo ali na vimbandu vya mulonga? Iyajo ali na mesho akuvenga?

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 5:11

Ngongo yeni! Yeni mumenekela kunwa vwala mutondo-tondo, co mupenda vutsiki vwoshe.

Isaya 5:22

Ngongo yeni! Vingenyenye va vingalafwa vya vinyu! Mwapwa vaka-kusimpa nakujeneka lyova omo mutsingasana vyakunwa!

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Isaya 9:11

Shukulu Kalunga nashangumuna vitozi va Lezine ngeci vavalwise.

Isaya 9:8

Shukulu Kalunga akasompesa vumwene vwa Isalele ali vatekulwila va Yakomba.

Isaya 9:9

Vanu va Isalele voshe, na vaje vakele mu nganda ya Samaliya, vakazivuka ngeci Shukulu Kalunga ikeye nalingi evi. Oloni vakevo vaka-kulyalesa na vaka-kulyaka ku vukama, vakendeka ngwavo,

Hoziya 4:11

Shukulu Kalunga alinakwendeka ngwendi, “Vinyu vyalaja nevi vyaviha vijenekesa vanu vange mana!

Hoziya 5:5

Co kulyalesa kwa vanu va mu Isalele kulinakumwesa mulonga wavo. Vuvi vwavo vulinakuvatanukisa nakuwa, co na vanu va mu Yunda valinakuwa amo navo.

Hoziya 5:9

Isalele akakala mu ngundu a litangwa lije omo kunyanyamesa ciketa. Vanu va Isalele, mwa vushunga vene cuma eci cikasholoka!

Hoziya 6:10

Njinamono cuma ca vunyengwe mu Isalele, vanu vange vanalijwalesa vakevo vavenya mukulemesa tumponya.

Hoziya 7:5

A litangwa lya ciwano cakulisamba ca mwene, co vapendesele mwene na vamyata vendi na vinyu kuvapwisa vikolokomba.

VaLevi 26:19

co njikamanesa likamba lyeni, na kulyalesa kweni kwakuvi. Kukukakala nyonzi yai, lifuti likominina cau ngwe mulyakola limanya.

Amose 2:12

Oloni mwanwisile vaNazalite vinyu, co mwashikile vaka-kwimanena ngweni kesi vambulule majwi ange.

Amose 2:8

A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 6:1

Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni!

Amose 6:4

Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Amose 6:6

Mukanwila vinyu mu vinganja vyakama, co mukavwava mazi akunika lwengo, oloni kumwesi kulinyenga akunyonga kwa Isalele.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”