Isaya 27:8 - Livulu lya Shukulu Kalunga

⁸ Shukulu Kalunga wahisile vanu vendi akuvatuma ku vunzinda. Wavashekele na lihunzi lyakushaluka lya mu ngangela.

Isaya 27:8 Iomraidhean Croise

Yombi 23:6

Kuma Njambi asa kupangesa nzili yendi yoshe nakunjitengulukila ndi? Embwe, oloni ngwe nanjitolilila.

Myaso 103:14

Omwo ikeye azivuka muje mwatutangele, azivuka ngeci yetu twapwa likungu.

Myaso 103:9

Shukulu Kalunga kesi kuhisa simbu yoshe, ikeye lalo kesi kuluvala simbu yoshe embwe.

Myaso 38:1

Nambe unaluvala yove Shukulu Kalunga, oloni kesi unjinyanyamese!

Myaso 6:1

Shukulu Kalunga, kesi unjipaye nambe kunjihisa omo uluvala!

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Myaso 78:38

Oloni Njambi wapwile muka-mema ku mbunge ku vanu vendi, wavasambesele kukuvulumuna kwavo, co kavanyongesele embwe. Visimbu vyoshe watutumwisile ku vukalu vwendi, co kavumwesele embwe.

Isaya 1:5

Omwo vikajo mulinakunjitengulukila? Mushaka ngeci njimihise lalo manene ndi? Isalele, ku mutwe wove kulilaja vimbandu, co mbunge yove na viyongola vyove vinazeye.

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 54:7

“Njakusezele kasimbu kakandondo lika, omwo a cizemo cange cakama njikakwilwisa lalo.

Isaya 57:16

Njaanene vanu vange mwonyo, co kunjikavahisa lalo nambe kuvaluvalesa myaka yoshe embwe.

Isaya 64:5

Yove ukakwasa vaje vajolela mukwononoka na mukulinga vyuma vya vushunga, vanu vaje vanuka kuyoya muje muushaka yove ngeci vayoyemo. Yove waluvalele netu, omwo twalingile vuvi, nameme wakele na vukalu vwakama, oloni yetu tunakala nakulinga vuvi kutunda ku san̄ulu.

Njelemiya 10:24

Njilongese yove Shukulu Kalunga oloni kesi na vukalu vwove embwe, kutewa njikanyonga.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 4:11

Simbu ilinakwija omo vanu va mu Yelusalema vakavaleka ngwavo lihunzi lya ntwima lyakutunda mu mambo lilinakuhuwila nakushungama ali vanu vange. Kulikapu lihunzi lyakuhuwa mwamuvwa lyakupekumuna vishwashwa lika embwe,

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Mbimbi 3:31

Shukulu Kalunga muka-mema ku mbunge kasa kutumbila kuti ku myaka yoshe embwe.

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

Ezekiyele 19:12

Oloni vautukwile na matoto amo na mizi yawo nakuumbila asi. Co lihunzi lya mu ngangela lyomisile vushuka vwawo. Co minango yawo yapokozokele, yomininine, co vayenyekele.

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

1 Petulu 1:6

Pweni vaka-kuvwaelela a cuma eci, nambe cinapu mwamuvwa yeni kukala na vusiwa kasimbu kakandondo lika omwo muli na vyeseko vyavingi vije mulinakuyanda navyo.