Isaya 27:6 - Livulu lya Shukulu Kalunga

⁶ A matangwa aje akaijako, vanu va Isalele, vatekulwila va Yakomba, vakamena mizi, co vakashamwina vishani nakujovelela. Co kaye kakashula na vushuka vuje vukatunda kuli vakevo.

Isaya 27:6 Iomraidhean Croise

Yombi 37:12

akewo alinakushwenya akushika kwa Njambi. Co alinga vyoshe vije Njambi avishika, kwoshe-ikwoshe mu kaye mwoshe.

Isaya 35:1

Mambo na lifuti lyakuma vikajolela, na vishani vikashamwina mu mambo.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 37:31

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Isaya 60:22

Nameme naanga yove yaindondo na kulikeesa, oloni vakapwa muyati wakama wa nzili. Omo simbu ikaija, yange Kalunga njikalinga vyuma evi vwasi-vwasi!”

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Ezekiyele 36:10

Vanu veni vakatuma. Mukayoya mu vinganda nakutungulula vyuma vyoshe vije vyanyongele.

Ezekiyele 36:8

Oloni a minkinda ya Isalele, miti ikajovelela maputa lalo nakwima vushuka vweni, yeni vanu vange va Isalele. Ololo-lolo mukeluka kwimbo.

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Ngalatiya 3:29

Co nga munakundama kuli Kilistu, ngecivene, yeni munapu vatekulwila va Avilahama, co mukatambula vije vyakulaesele Njambi.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”