Isaya 27:13 - Livulu lya Shukulu Kalunga

¹³ Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 27:13 Iomraidhean Croise

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

Myaso 47:5

Njambi aya ku litanda lyendi lya vumwene! Kuli mitambi yakujolela nakwimba malupembo, omo Shukulu Kalunga alamata kwilu!

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Myaso 89:15

Yove Shukulu Kalunga, vanavezika vanu vaje vakulemesa na myaso, vanu vaje venda mu ceke cove!

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 11:16

Co kukakala tapalo ya vanu vendi vaIsalele vaje vanasalao yakutunda ku Asilya, ngwe muje muyapwile tapalo ya vakukulwila vavo omo vatundile mu Ingito.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 19:21

Shukulu Kalunga akalisholola ikeye vavenya kuli vaka-Ingito, co vakamuzivuka nakumulemesa, vakamukombelela nakumulambwila. Vakalisinga cikulaeso ca cikumiiyo kuli ikeye nakulinga vije vivanakulaesa.

Isaya 19:22

Omo Shukulu Kalunga namanesa kunyanyamesa vaka-Ingito, co vakatengulukila kuli ikeye. Akaziva malombelo avo, nakuvakangwisa.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Isaya 43:6

Njikaleka kunto na mbwela, kwecela vanu vange ngeci veluke kutunda ku mafuti a kulyala na ku mitambela yoshe ya mu kaye.

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Isaya 66:18

Njizivuka viyongola vyavo na vilinga vyavo. Njilinakwija nakukungulula vanu va miyati yoshe. Omo vakakungulukila amo, vakamona nzili yange muyafwa,

Isaya 66:23

A ngonde yoshe yakulivanga na a Ciwano ca Kutenama kwa Ngonde na a Litangwa Lyakuhwima, vanu va miyati yoshe vakaija nakunjilemesa muno mu Yelusalema.” Mukemwo mwanendeka Shukulu Kalunga.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Njelemiya 43:7

Mbunga ya vanu ava vaile ku lifuti lya Ingito omwo kuvononokele mashiko a Shukulu Kalunga, co vaile ku Ingito nakukakala mu nganda ya Tafanehese.

Njelemiya 44:28

Oloni vavandondo lika vakaputumuka ku kutsa, vakatunda ku Ingito nakwiluka ku Yunda. Asinoni vaje vakayoyao vakazivuka ngwavo majwi eyajo anapu a vushunga, ange ndi avo?

Ezekiyele 20:34

Njikamimwesa nzili yange nakuluvala kwange, omo njikamikungulwila amolika, nakumiilwisa kutunda ku mafuti oshe kuje njamishandwelelele.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 39:25

Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.

Ndanyele 11:45

Akashimbika vimbalaka vyendi vyakama vya vumwene mukati ka mema a kalunga na a munkinda aje ali Njuvo ya Shukulu Kalunga. Oloni akatsa, co naumo wai wakumukwasa akakalako.”

Hoziya 11:11

Vakaija kutunda ku Ingito ngwe tuzila, vakatunda ku Asilya ngwe mayembe. Co njikavanena ku membo avo lalo. Munjinendeka yange Kalunga.”

Hoziya 8:13

Vakombelela vin̄ombelo kuli yange nakulya situ ya vin̄ombelo. Oloni yange Kalunga, kunjesi nakuvwaelela navo embwe, njikanuka vuvi vwavo nakuvanyanyamesa, co njikavelwisa lalo ku Ingito!

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

VaLevi 25:9

Ngecivene, a litangwa lyamulikumi ku ngonde yamucitanu na vivali, likapwa Litangwa lya Kulyamba, mukatuma munu wakwimba lupembo mu lifuti lyoshe.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Zakaliya 14:16

Asinoni vaje vasaleleo ku miyati yoshe ya vanu vaje valwisile Yelusalema vakaya ku Yelusalema a mwaka na mwaka mukulemesa Shukulu Kalunga Muka-nzili yoshe ngwe mwene, co vakalisamba a Ciwano ca Mapapela.

Zakaliya 8:7

Njikapatula vanu vange ku mafuti kuje kuvavatwalele,

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 10:7

Oloni omo uje kangelo wamucitanu na vavali akaimba lupembo lwendi, asinoni Njambi akasholola cisin̄iko ca vutumbe vwendi, ngwe muje mwambulwile kuli vangamba vendi vaka-kwimanena.”

Kujombolola 8:2

Asinoni njamwene tungelo vaje vatanu na vavali vaka-kwimana ku mesho a Njambi, co vavaanene malupembo atanu na avali.

Kujombolola 8:6

Asinoni vaje tungelo vatanu na vavali vakele na malupembo atanu na avali valivwaeselele cimweja ngeci vaimbe.

Kujombolola 9:14

Co lijwi lyendekele kuli uje kangelo wamucitanu na umo ngwalyo, “Zitula tungelo vawana vaje vavanakutu ku Ndonga yakama ya Yufuleti!”