Isaya 27:11 - Livulu lya Shukulu Kalunga

¹¹ Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 27:11 Iomraidhean Croise

Myaso 106:40

Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 18:5

Omo kanda vacikungulule vushuka, omo vishani vyoshe vinatotomoka, co vushuka omwo vuhya, Shukulu Kalunga akanyongesa vaSundane ngwe moko ivatozola minango ya mikolovozi ya vushuka vwa vinyu.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 5:13

ngecivene, vakamitwala ku mafuti eka kupwa vinzinda. Vantwama veni vakatsa ku njala, co vanu vangoco vakatsa ku lihwila.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 11:16

Njavatumbwile muti wa olive, uje uli na vushuka vwavuvwa, oloni ololo, njikenyeka minango ya muti ou na cililimo cakama nakwenyeka muti woshe na tuhya.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 16:5

“Kuwapandele kukovela mu njuvo muje valinakulila. Kesi ukazivile vusiwa a munu umo. Omwo njinatundisa kwoloka kuli vanu ava, na cizemo, na mema ku mbunge.

Njelemiya 25:37

Malimba aje a kwoloka anavaye, omwo vukalu vwa Shukulu Kalunga vwakama manene.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 8:7

Nameme tunyange-nyange, na mamenekela, na tutela, na tumbimbi-ndonga, na tumbovo vazivuka simbu yakujaluka. Oloni vanu vange kumuzivuka mashiko anjilinakumishika.

Ezekiyele 19:12

Oloni vautukwile na matoto amo na mizi yawo nakuumbila asi. Co lihunzi lya mu ngangela lyomisile vushuka vwawo. Co minango yawo yapokozokele, yomininine, co vayenyekele.

Ezekiyele 20:47

Leka shwata ya mu mbwela kuziva vije vyalinakwendeka Shukulu Kalunga wa Akamwa ya Vyoshe ngwendi, ‘Kengeni! Njilinakushwameka tuhya, co tukenyeka miti yoshe ije ili muli yove, nameme yakutonola nambe yakuma. Nacimo cai cikasa kutuzima. Tukashalava kutunda mu mbwela nakweta ku kunto, co munu na munu akaziva ntwima ya milangi.

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Hoziya 4:14

Oloni kunjikavanyanyamesa a vyuma evi embwe, omwo neni mulinakulinga vukwizi na vikwizi va mu njuvo yakulemesela, co mukombelela vin̄ombelo ku vinjambi veka amolika navo. Ngwe cisimo ngwaco, ‘Vanu vakujeneka mana vakanyonga!’

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Mateo 13:15

omwo mana avo akuzeya, co vanaziki mu matwi avo nakulalameka mesho avo, ngeci mesho avo kesi amone, matwi avo kesi azive, mana avo kesi azivisise, co vakatengulukila kuli yange mukuvakangwisa.’

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Mateo 3:10

Njaviti vanayaka laja ku mizi ya miti, muti woshe kuwimi vushuka vwavuvwa vakaushinja nakuumbila mu tuhya.

Yowano 15:6

Woshe kakala muli yange vakamumbila kuti ngwe munango, co akauma cau, co minango yangacije vaikungiya nakuyumbila mu liko, co yenya.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 1:31

kuvesi na citaku-taku, kuvesi kunyunga vikulaeso vyavo, co kuvesi kumwesa ngozi nambe kuzivilako vakwavo mema ku mbunge.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.