Isaya 27:1 - Livulu lya Shukulu Kalunga

¹ A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 27:1 Iomraidhean Croise

Yombi 26:13

Muku wendi ukewo walingisile lilu kelunguma, co livoko lyendi lyatsiile cikashama uje waputumukile.

Yombi 3:8

Leka vimbanda vasinge lije litangwa, vimbanda vaje vasa kwononwesa Levyatane.

Yombi 40:19

“Ikeye wapwa wakukomokesa ku vitanga vyange vyoshe! Kuvanga muka-kumutanga lika ikeye asa kumufungulula.

Yombi 41:1

“Kuma wasa kulovela Levyatane na kalovo, nambe kukuta ndaka yendi na mukole ndi?

Myaso 104:26

Mu mema a kalunga mukemwo muje mwakaita-ita mato akama, mukemwo lalo mwakala Levyatane uje iwatangele ngeci ehelemo.

Myaso 45:3

Maneka moko yove ya mukwale mu mbunda, yove cingenyenye, yove wapwa wa vumpau na vukama!

Isaya 26:21

Shukulu Kalunga alinakwija kutunda mwilu muje mwakala mukuhisa vanu va ano asi omwo a vuvi vwavo. Kulitsiya kuje kwalingiwile mu vushweke ano asi kukajomboloka, co livu kulikashweke vanu vaje vavatsiile.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Isaya 65:25

Tungunga na vana va vimanga vakalya amo, vindumba na vingombe vakalya mwila, na manyoka vakalya livu. Kuvakashumu nambe kuvulumuna munu umo, a Siyone lilundu lyange lyakujela.”

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Njelemiya 51:13

Mbambilone lifuti lije lyakala manene na vindonga na vufuko vwavungi, oloni simbu ya lifuti eli yakuyoya ineti.

Njelemiya 51:34

Mwene Nevukaneza wa Mbambilone natete Yelusalema nakuyilya. Napwisa nganda ngwe njava yamupulungwa, naleula nganda ngwe cikashama. Wambatele vije vyashakele nakumbila kuti vije kashakele.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Amose 9:3

Nga vakavanda akamwa ya Munkinda wa Kalemele, njikavashakezeka nakuvatundisao. Nambe nga vanjivandela kwisi ya mema a kalunga, co njikashika cikashama wa mu mema a kalunga ngeci avashume.

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 13:11

Asinoni njamwene cikashama mukwavo alinakutuuka mu livu. Wakele na vimbinga vivali ngwe vimbinga vya muna manga, co wendekele ngwe canza-ngombe.

Kujombolola 13:4

Munu woshe walemesele uje canza-ngombe omwo wanene moko yendi kuli uje cikashama. Valemesele uje cikashama lalo vendekele ngwavo, “Iyajo walifwa na cikashama? Iyajo asa kumulwisa?”

Kujombolola 16:13

Asinoni njamwene minzinzime itatu yakujwala ije yafwile ngwe mambotwe. Yatuukile kutunda mu kanwa ka canza-ngombe, na mu kanwa ka cikashama na mu kanwa ka muka-kwimanena wa makuli.

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.

Kujombolola 17:15

Co kangelo wendekele lalo kuli yange ngwendi, “Mema aje awamwene, aje anatumbama uje cikwizi, anapu miyati, vanu, mafuti na vindaka.

Kujombolola 19:21

Co mbunga yavo ya mashwalale vavatsiile na moko ya mukwale ije yatundile mu kanwa ka uje walondele a kavalu, co tuzila voshe valile situ yavo ngwe muvashakelele.

Kujombolola 2:16

Tenguluka ku vivi vyove! Nga shove, co njilinakwija vwasi kuli yove nakulwisa vanu vaje na moko ya mukwale yakutunda ku kanwa kange.

Kujombolola 20:2

Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.