Isaya 26:9 - Livulu lya Shukulu Kalunga

⁹ Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Isaya 26:9 Iomraidhean Croise

1 Mizimbu 16:14

Shukulu Kalunga ikeye Njambi yetu, akanene vushunga kwoshe-ikwoshe ano a kaye.

Myaso 105:7

Ikeye Shukulu Kalunga Njambi yetu, mashiko endi ali mu kaye mwoshe.

Myaso 119:55

Ku vutsiki njikakuyongola Shukulu Kalunga co njikononoka lishiko lyove.

Myaso 119:62

Akati ka vutsiki njiinduka nakukushangazala, omwo mashiko ove apwa a vushunga.

Myaso 130:6

Njilinakuvandamena Shukulu Kalunga, kutuvakana vaka-kunyunga omo vavandamena kutuuka kwa litangwa, eyo, njilinakuvandamena Shukulu Kalunga kutuvakana vaka-kunyunga omo vavandamena kutuuka kwa litangwa.

Myaso 58:11

Co vanu vakendeka ngwavo, “Vaka-vushunga vanatambula cikandelela cavo, mwa vushunga kwali Njambi muka-kusompa vaka-kaye!”

Myaso 63:1

Yove Njambi, yove unapu u Njambi yange, njikulemesa, mbunge yange ishakezeka yove, yange njikushakezeka ngwe munjikashakezeka mema mu mambo.

Myaso 63:5

Mbunge yange ikavwaelela, co njikaimba myaso yakuvwaelela yakukushangazala.

Myaso 64:9

Voshe vakaziva lyova, co vakendeka ngwavo, “Kengeni vyanalingi Njambi, co vinyungeni mu vimbunge vyeni.”

Myaso 78:34

Omo watsiileo vamo, co vaje vasaleleo velukile kuli ikeye, co vatengulukile nakulombela manene kuli ikeye.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Visimo 8:17

Njizema vaje vanjizema, voshe vaje vanjishakezeka vasa kunjiwana.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 55:6

Tengulukileni kuli Shukulu Kalunga nakulombela kuli ikeye omo acili muyehi.

Mbimbi 2:19

Induka-induka vutsiki vwoshe ngeci ulombele kuli Shukulu Kalunga, ngeci ecele mbunge yove nakumulomba ngeci akuzivileko mema ku mbunge a vana vove vaje valinakulanduka ku njala mu vimbango vyoshe vya vitapalo!

Mbimbi 3:25

Shukulu Kalunga wapwa wamuvwa kuli voshe vaje vamukulaela,

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Mako 1:35

Co alikaki mutondo-tondo, simbu kanda kukye, Yesu wendukile, co watuukile mu njuvo. Waile mu mambo endi lika nakulombela.

Luka 6:12

A simbu ije Yesu walamatele ku munkinda nakulombela, co wakele nakulombela vutsiki vwoshe kuli Njambi.

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.