Isaya 26:8 - Livulu lya Shukulu Kalunga

⁸ Tulinakukavangeya cizango cove nakwaka cinyangavili cetu muli yove, yove lika itushungwiya.

Isaya 26:8 Iomraidhean Croise

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

Myaso 106:3

Vavezika vanu vaje valinga vushunga, vanu vaje valinga vuvwa simbu yoshe!

Myaso 130:5

Njilinakuvandamena kukwasa kwa Shukulu Kalunga, co njinakulaela mu lijwi lyendi.

Myaso 18:23

Nazivuka ngeci kunjesi na mulonga, co njalinyunga ku vuvi.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 65:6

Yove wemikile minkinda mu mitambela yayo na nzili yove, mukusholola nzili yove yakukomokesa.

Myaso 73:25

Iyajo lalo injilinendi mwilu kutuvakana yove? Kukwesi weka injishaka ano asi kuvanga yove lika.

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Myaso ya Solomoni 5:8

Yeni vanakazi va mu Yelusalema, njikulaeseni ngeci nga muwana muka-cizemo cange, mulekeni ngweni njinazeye na lishungu.

Isaya 12:4

Litangwa lilinakwija omo vanu vakaimba ngwavo, “Kandeleleni kuli Shukulu Kalunga! Lemeseni ikeye lika! Ambululeni vilinga vyendi akati ka vanu! Valekeni vukama vwa vumpau vwendi.

Isaya 24:15

co vaje vali mu ngangela vakamushangazala. Vanu vaje vakala a man̄anda a mu mema a kalunga vakashangazala Shukulu Kalunga, Njambi ya Isalele.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 26:13

Shukulu Kalunga Njambi yetu, vanakala nakutushwana kuli vanu veka, oloni yetu twononoka lika yove Shukulu Kalunga.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 33:2

Shukulu Kalunga, tuzivileko mema ku mbunge. Tunaka cinyangavili cetu muli yove. Tunyunge a litangwa na litangwa nakutwamena mu simbu ya tuyando.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 51:4

“Vanu vange tolilileni kuli yange, tolilileni ku vije njendeka. Njana vilongesa vyange ku miyati ya vanu, mashiko ange akavatwila ceke.

Isaya 56:1

Shukulu Kalunga alinakwendeka ku vanu vendi ngwendi, “Lingeni vije vinapu vya vushunga, na vuvwa, omwo njikamyamena vwasi-vwasi.

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Kulava 36:13

Awa akewo mashiko na vilongesa vije vyashikile Shukulu Kalunga kuli Mosesa ali vanu va Isalele mu vyana vya Mowavi ku Ndonga ya Yondau vyalishungama na Yeliko.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Vilinga vya Miluwa 1:4

Co omo vakungulukilile amo, wavashikile ngwendi, “Kesi mutunde mu Yelusalema, oloni vandameneni vwana vuje njamilekele, vwana vuje vwaakulaesele Tate.

Loma 8:25

Oloni nga tuli na cinyangavili ca vije kutwamwene, tucivandamena nakusimpa.

2 Tesalonika 3:5

Mwene atwamenene vimbunge vyeni mukuzivisisa cizemo ca Njambi na lukakateya luje lwanamyana Kilistu.