Isaya 26:7 - Livulu lya Shukulu Kalunga

⁷ Shukulu Kalunga, ukavwaesela vaka-vushunga ngila yakushalama ngeci vendelemo.

Isaya 26:7 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Yombi 31:6

Njambi anjipeselese a cipeseleso cacivwa, amone ngeci nga njili na mulonga.

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 11:4

Shukulu Kalunga ali mu Njuvo yendi yakujela, ikeye ali a litanda lyendi mwilu. Mesho endi alinakukenga a vanu voshe, azivuka vije valinakulinga.

Myaso 11:7

Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.

Myaso 25:4

Njilongese vingila vyove yove Shukulu Kalunga, ngeci njivizivuke.

Myaso 25:5

Njitwamenene mu vushunga vwove nakunjilongesa, omwo yove wapwa u Njambi yange muka-kunjamena. Kuli yove lika njinakulaela matangwa oshe.

Myaso 27:11

Shukulu Kalunga njilongese vije viwushaka ngeci njivilinge, co njitwamenene mu ngila yakujeneka vushonde, omwo njili na vitozi vavangi.

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Visimo 11:5

Kulongwa kulingisa muka-vushunga kuyoya mwamuvwa, oloni muka-vuvi akawa a vuvi vwendi vavenya.

Visimo 20:7

Munu muka-vushunga akende mu vushunga, vavezika vanike vaje vamutembunwina.

Visimo 21:8

Ngila ya muka-milonga yapwa ya kupenga-penga, oloni vilinga vya muka-kulongwa vyapwa vyavivwa.

Visimo 3:6

Simbu yoshe tava Shukulu Kalunga ngeci akutwamenene, co akakumwesa vingila vya vushunga.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 52:12

A simbu eyi kumukayi lumbisi nambe kuvomboloka embwe. Omwo Shukulu Kalunga Njambi yeni ikeye akamitwamenena, co akaminyunga ku mitambela yoshe.

Isaya 57:2

Vaje venda mu vushunga vawana kwoloka, nakuhwima omo vatsa.

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Zefaniya 3:5

Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

1 Yowano 3:10

Aka kakeko kaangu kakutungukwa akati ka vana va Njambi na vana va Liyavola, vaje kuvesi kulinga vyavivwa nambe kuvesi kuzema vakwavo, kuvapwile vana va Njambi embwe.

1 Yowano 3:7

Vana vange vavandondo, kesi mutave umo amikwise! Woshe uje alinga vya vushunga napu muka-vushunga, ngwe Kilistu wapwa muka-vushunga.