Isaya 26:6 - Livulu lya Shukulu Kalunga

⁶ Vaje vavayandesele valinakwenda akamwa yavyo nakuvilyatangela na mendi avo.

Isaya 26:6 Iomraidhean Croise

2 Vimyene 9:33

Yehu wendekele kuli vakevo ngwendi, “Mumbileni asi.” Co vombilile Njezevele asi, maninga endi ashamukilile a civumbe na a tuvalu. Yehu wendesele tuvalu twendi na litemba a muvila wendi,

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 25:10

Shukulu Kalunga akanyunga Munkinda wa Siyone, oloni vanu va Mowavi vakavalyatangela ngwe muje vakalyatangela vishati ngeci vipwe vwilo.

Isaya 28:3

Muka-kupenda woshe wa mu Efalime alyalesela a Samaliya, oloni vakainyongesa.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 3:15

Kumwesi na moko yakuyandesa vanu vange nakwambata vya tuutu. Yange Kalunga wa Akamwa ya Vyoshe Muka-nzili yoshe njinendekamo.”

Isaya 37:25

Lalo walishashele ngwove wendile masima, co wanwile mema a mu mafuti a vaka-kwija, lalo ngwove mendi a mashwalale vove alyatangelele mu Ndonga ya Nailo nakuyumisa cau.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Njelemiya 50:45

Ngecivene, tolilileni ku vutumbe vuje vunjatumbile vwakulwisa nganda ya Mbambilone, na kuli vije njishaka kulinga ku vanu vamwo. Vana vavo vakavakokangeya, co vanu voshe vakalikomokela.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Malakiya 4:3

A litangwa lije omo njikalinga, mukafungulula vaka-vuvi, co vakapwa ngwe likungu mwisi ya myanja yeni.

Luka 10:19

Tolilileni! Njamyana moko ngeci mukalyatangele manyoka na manyewe, nakuhyana nzili yoshe ya Citozi, co nacimo cai cikamivulumuna.

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

1 Kolinte 1:26

Omwo ololo vavusamba vange, anukeni mumwafwile laja, omo Njambi wamisanene. Kweseka na viyongola vya vanu, vavandondo lika akati keni vapwile vaka-mana, nambe vaka-nzili, nambe vaka-vulemu.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

Yoshwa 10:24

co omo vatuwisile vaje vimyene vatanu mu linzenzengoma, vavatwalele kuli Yoshwa. Asinoni Yoshwa wasanene vanalume voshe va Isalele nakushika vamyata vaje vaile navo ku nzita ngeci valyate a mikoshi ya vaje vimyene. Co valingile ngacije.

Kujombolola 2:26

Kuli vaje vahyana, vaje valinga vije vinjishaka noo akukotoka, njikavana moko a miyati,

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.