Isaya 26:2 - Livulu lya Shukulu Kalunga

² Shokololeni vikolo vya nganda ngeci muyati wa vanu va kulongwa vakovele, muyati wa vanu vaje vaka-kulinga mwa vushunga.

Isaya 26:2 Iomraidhean Croise

Myaso 106:5

Nange lalo njivezike amo na vanu vove, vaje vaunaangula ngeci njivwaelele amo navo, vavwaelela omwo vakevo vapwa vanu vove.

Myaso 118:19

Shokololeni vikolo vya vushunga, ngeci njikovelemo nakukandelela kuli Shukulu Kalunga!

Myaso 118:20

Eci cikeco cikolo ca Shukulu Kalunga, kuvanga vaka-vushunga lika vakevo vakakovelamo!

Myaso 24:7

Anjununeni vikolo, shokololeni mapito a ku myaka yoshe, Mwene wa vumpau akovelemo!

Kutuuka 19:6

vanu vaje vakundama kuli yange vavenya, co yeni mukapwa vaka-kukombelela, muyati wakujela wakwanguka. Awa akewo majwi ukendeka kuli vanu va Isalele.”

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 54:14

Vushunga na vuvwa vikakukolesa. Ukakala mwamuvwa kuvakakuyandesa nambe kukuzivisa lyova.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Isaya 60:11

Vikolo vyove vikashokoloka mutanya na vutsiki, ngeci vimyene va miyati ya vanu yeka vakunenele vufuko vwavo.

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Isaya 62:1

Njikendeka nakutakamesa Yelusalema, kunjikoloka kuluu embwe kuvanga noo inovoka, co kuhyana kwendi kukavyazima ngwe ndeya ku vutsiki.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 62:2

Yelusalema, miyati ya vanu voshe vakamona kuhyana kwove! Vimyene vavo voshe vakamona vumpau vwove. Shukulu Kalunga vavenya, akakwana lizina lyaliha.

Zakaliya 8:20

Shukulu Kalunga Muka-nzili yoshe alinakwendeka ngwendi, “Simbu ikaija omo vanu vakatunda ku vinganda vyakama vakaija ku Yelusalema.

Vilinga vya Miluwa 2:47

nakushangazala Njambi, nakuvashangazala ku vanu voshe. Co Mwene wawezeleleleko a litangwa na litangwa ku mbunga yavo vanu vaje vakele nakwovoka.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

2 Petulu 3:13

Oloni yetu tuvandamena vije vyanakulaesa Njambi, vikevyo, lilu lyaliha na kaye kakaha, muje mukakala vushunga.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.

Kujombolola 21:24

Miyati ya vanu voshe va mu kaye vakenda mu ceke camwo, co vimyene va ano asi vakanenamo vufuko vwavo.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.