Isaya 26:15 - Livulu lya Shukulu Kalunga

¹⁵ Shukulu Kalunga, yove unaamesa muyati wetu, unaamesa vinginga vyoshe vya lifuti lyetu, co eci cinanena ngeci tukusingimike.

Isaya 26:15 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

1 Vimyene 8:46

“Omo vanu vove valinga vuvi ku mesho ove, omwo kukwesi munu wa kulinga vuvi, cooni mu vukalu vwove wecelela vitozi vavo vavafungulule nakuvatwala ku lifuti lyeka ngwe vinzinda, nameme nga lifuti lije lili kulyala,

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

Nehemiya 9:23

Wavanene vana vavangi manene ngwe vingongonosi vya mwilu, co wavatavele kuvafungulula nakukala mu lifuti, lije liwakulaesele vakukulwila vavo kuvanalyo.

Yombi 12:23

Ikeye akolesa miyati ya vanu, co avanyongesa, aamesa miyati ya vanu, co avatwala ku vunzinda.

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 33:17

Mesho eni akamona vumpau vwa mwene, akamona lifuti mukujanjavala kwalyo kwoshe.

Isaya 40:5

Asinoni vumpau vwa Shukulu Kalunga vukasholoka, co vanu voshe vakavumona. Shukulu Kalunga ikeye vavenya nakulaesa evi.”

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 6:12

Yange njikashekela vanu ava kulyala nakupwisa lifuti lyoshe vingundu.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 9:3

Yove Shukulu Kalunga unatumisa muyati wavo, vanavwaelela ku mesho ove ngwe muvakavwaelela vaka-kupanga omo vateja vimbuto, nambe ngwe muvakavwaelela mashwalale omo valipangela vufuko vwakupukula.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Ezekiyele 36:24

Njikamiilwisa kumitundisa ku miyati yoshe na ku mafuti oshe nakumiilwisila ku lifuti lyeni lalo.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Kulava 23:10

Iya asa kulava vatekulwila va Yakomba, vapwa ngwe lishen̄avu nameme kulavulula mutambela umo wa vanu va Isalele? Njitave njitse kutsa kwa vanu va Njambi, co kutsa kwange kupwe kwa kwoloka ngwe kwa vaka-vushunga!”

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Yowano 15:8

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Kwituluka mu Mashiko 10:22

Omo vakukulwila veni vaile ku Ingito, vakevo vapwile lika makumi atanu na avali. Oloni ololo Shukulu Kalunga Njambi yeni namitumisa manene-nene ngwe vingongonosi vya mwilu.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.