Isaya 26:14 - Livulu lya Shukulu Kalunga

¹⁴ Vaje vitozi vanatsi voshe, vanatsi kuvakasanguka lalo, unavahisa, co vananyongo, naumo wai lalo akavanuka.

Isaya 26:14 Iomraidhean Croise

Yombi 18:17

Lutsimo lwendi lukahwa ano asi, co naumo wai akamwanuka lalo.

Yombi 24:20

Nambe vaina kuvakamwanuka lalo embwe, co vakamulya mainyo, nakunyonga ngwe muti wakuwa.

Yombi 7:9

Ngwe lishelwa lilinakutsitsivala, co lizimangana, mukemwo mwanafu munu uje ali mu vukalo vwa vatsi, kakatundumo embwe.

Myaso 106:28

Vanu valemesele njambi lizina lyendi Mbale-Peole, co valile vin̄ombelo vivakombelelele ku vinjambi va kutsa.

Myaso 109:13

Vatekulwila vendi voshe vatse, co lizina lyendi valivale ku visemwa vije vikaija kulutwe.

Myaso 135:17

Vali na matwi, oloni kuvasa kuziva, kuvasa nameme kuhwima.

Myaso 36:12

Kenga, vaka-vuvi vanau! Vanawila asi, co kuvasa kwinduka.

Myaso 59:5

Ija unjikwase yove Shukulu Kalunga Njambi Muka-nzili yoshe. Yove Njambi wa Isalele! Hisa vaka-kujeneka kukukulaela, kesi uzivile ngozi vaka-kulinga vuvi na vitangwizi.

Myaso 9:6

Vitozi vetu vananyongo simbu yoshe, na vinganda vyavo vinasiwuka, co nalumo lwai lalo vakavanuka.

Kutuuka 14:30

Likelyo litangwa lije Shukulu Kalunga wamenene vanu vaIsalele kuli vaka-Ingito, co vaIsalele vamwene mitunu ya vaka-Ingito vanalala vanatsi ku ngenge ya mema a kalunga.

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

Muka-kwambulula 9:5

Eyo, vaka-kuyoya vazivuka ngeci litangwa limo vakatsa, oloni vatsi neci vene vazivuka cai. Kuvesi na cikandelela kulutwe cai vanavevala hivya.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Mateo 2:20

“Induka, ambata mwanike amo na vaina, muye ku lifuti lya Isalele, omwo vaje vashakele kutsiya mwanike vanatsi.”

Kwituluka mu Mashiko 4:28

Kuje mukapangela vinjambi vakushonga na mavoko a vanu, vinjambi va viti, na va mamanya, vinjambi vaje kuvesi kuziva nambe kumona, nambe kulya, nambe kuziva kunika.

Kujombolola 20:5

(Oloni vatsi vaje vasaleleo kuvasangukile noo myaka 1,000 ineti.) Oku kukekwo kusanguka kwa vatsi kwakulivanga.