Isaya 26:13 - Livulu lya Shukulu Kalunga

¹³ Shukulu Kalunga Njambi yetu, vanakala nakutushwana kuli vanu veka, oloni yetu twononoka lika yove Shukulu Kalunga.

Isaya 26:13 Iomraidhean Croise

2 Mizimbu 12:8

oloni Shishake akavafungulula, ngeci vakalilongese kwangunuka cije cili akati kakunjipangela yange nakupangela vaka-kushwana va mafuti eka.”

Isaya 10:11

Njinanyongesa Samaliya na tumponya twamwo twoshe, co njikalinga cuma cimo lalo na Yelusalema na tumponya tuje valinakulemeselamo.”

Isaya 12:4

Litangwa lilinakwija omo vanu vakaimba ngwavo, “Kandeleleni kuli Shukulu Kalunga! Lemeseni ikeye lika! Ambululeni vilinga vyendi akati ka vanu! Valekeni vukama vwa vumpau vwendi.

Isaya 2:8

Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Isaya 26:8

Tulinakukavangeya cizango cove nakwaka cinyangavili cetu muli yove, yove lika itushungwiya.

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Isaya 64:5

Yove ukakwasa vaje vajolela mukwononoka na mukulinga vyuma vya vushunga, vanu vaje vanuka kuyoya muje muushaka yove ngeci vayoyemo. Yove waluvalele netu, omwo twalingile vuvi, nameme wakele na vukalu vwakama, oloni yetu tunakala nakulinga vuvi kutunda ku san̄ulu.

Amose 6:10

Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?” Co akamukumbulula ngwendi, “Waimo!” Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Yowano 8:32

co mukazivuka vushunga, co vushunga vukamipatula.”

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

1 Kolinte 4:7

Omwo iyajo namilingisa ngeci muhyane vakweni? Kuma Njambi kamyanene vyuma vyoshe mulinavyo ndi? Nga mwavitambwile, omwo vika mulishashela ngwe kumwavitambwile vyavwana?

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

Yoshwa 23:7

co kesi mukalikumbasane na vanu ava vanasalao akati keni nambe kutumbula mazina a vinjambi vavo, nambe kulisinga a mazina a vinjambi vavo, nambe kulemesa vinjambi vaje, nambe kuvatsikamena embwe.