Isaya 26:1 - Livulu lya Shukulu Kalunga

¹ Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 26:1 Iomraidhean Croise

Ezela 3:11

Vembile nakushangazala Shukulu Kalunga, nakumukandelela ngwavo, “Shukulu Kalunga wapwa wamuvwa, cizemo cendi kuli Isalele capwa ca ku myaka yoshe.” Munu na munu watambekele manene na nzili yendi yoshe, mukushangazala Shukulu Kalunga, omwo vipangi vyakwinda luvula lwa Njuvo ya Shukulu Kalunga vyashangumukile.

Myaso 31:21

Shangazaleni Shukulu Kalunga! Omo wanjimwesele cizemo cendi cakukomokesa cije kucesi kutenguluka omo vanjizengelekele nakunjilwisa!

Myaso 48:12

Vanu va Njambi zengulukeni Munkinda wa Siyone co laveni tuposhi twawo,

Myaso 48:4

Vimyene valikungulwile amolika, mukulwisa Munkinda wa Siyone.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 14:31

Lileni nakukangoka mu vinganda vyeni ngeci vamikwase, yeni vaFilisitiya. Lijajeleni nakulikomokela, muvavoshe! Lishelwa lyakukakumuka ngwe vwisi lilinakwija kutunda ku kunto, mbunga ya mashwalale vakujeneka lyova.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 2:20

Omo litangwa lije lyeta, vanu voshe vakombila kuti tumponya twa ngolinde na tumponya twa siliva tuje tuvanalingi, co vakavisezela vin̄olo na vindima-ndima.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 31:5

Yange Kalunga Muka-nzili yoshe njikaamena Yelusalema ngwe kazila ajangumuna mambava endi a lishwa mukunyunga vana vendi.”

Isaya 31:9

Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

Isaya 33:5

Shukulu Kalunga wapwa wakama! Ikeye wakala mu melu. Akashulisa Yelusalema na vushunga na kulongwa,

Isaya 33:6

co akakolesa miyati ya vanu. Simbu yoshe akanyunga vanu vendi nakuvana mana nakuzivisisa. Vufuko vwavo vwakama manene vukapwa kasingimiko kuli Shukulu Kalunga.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 5:1

Njikembila musamba wange mwaso wendi wakutumbula citungu cendi ca mikolovozi ya vushuka vwa vinyu. Musamba wange wakele na citungu cendi ca mikolovozi ya vushuka vwa vinyu a lilundu lya vwilo.

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 60:18

Kukukakala lalo lipakeso mu lifuti lyove, nambe kulitsiya nambe kulinyongesa mu lifuti lyove embwe. Njikakunyunga nakukwimanena ngwe civumbe, ukanjishangazala omwo yange njinakwamena.

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Ezekiyele 40:5

Vije vinjamwene vyapwile Njuvo ya Shukulu Kalunga, co kuje kwakele civumbe cazengelekeleko. Uje munalume wambatele citi cendi cakusetekesa, cije capwile mamita atatu mu vulaja, co wasetekele civumbe. Cije civumbe capwile mamita atatu mu vulaja vwa akamwa na mamita atatu mu kuhima.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Zakaliya 2:9

“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.” Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.

Kulava 21:17

Asinoni vanu va Isalele vembile mwaso ngwavo, “Masima, mema eni asheloke, tukaembila mwaso!

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.