Isaya 25:9 - Livulu lya Shukulu Kalunga

⁹ A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 25:9 Iomraidhean Croise

Kushangumuka 49:18

“Njavandamena kwamena kwove, yove Shukulu Kalunga.

Myaso 100:1

Imbileni Shukulu Kalunga nakujolela, yeni vanu voshe muli ano asi!

Myaso 20:5

Asinoni tukatambeka nakujolela akuhyana kwove, co mu lizina lya Njambi yetu tukashimbika vipandelo vyakushangazala Njambi yetu. Shukulu Kalunga akumbulule kulomba kwove kwoshe!

Myaso 21:1

Mwene ajolela omwo yove Shukulu Kalunga unamwana nzili, avwaelela omwo unamuhyanesa.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 33:20

Muli Shukulu Kalunga mukemwo muli cinyangavili cetu, ikeye cishwamo cetu na mukwasi wetu.

Myaso 33:21

Tulinakujolela muli ikeye, omwo tunakulaela mu lizina lyendi lyakujela.

Myaso 40:17

Shukulu Kalunga yange njapwa njiwakuzeya na kuutwa, oloni kuwanjivalele. Yove wapwa muyoyesi wange na Njambi yange, kesi wishwale mukunjamena.

Myaso 9:14

ngeci njikemane ku mesho a vanu va mu Yelusalema, nakuvaleka vyuma vyoshe vije vinjikushangazala navyo. Njivwaelela omwo yove unanjovola.

Myaso 95:1

Ijeni tushangazale Shukulu Kalunga! Twimbeni nakujolela kuli Njambi uje muka-kutunyunga!

Isaya 33:2

Shukulu Kalunga, tuzivileko mema ku mbunge. Tunaka cinyangavili cetu muli yove. Tunyunge a litangwa na litangwa nakutwamena mu simbu ya tuyando.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 35:1

Mambo na lifuti lyakuma vikajolela, na vishani vikashamwina mu mambo.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Isaya 65:18

Vwaeleleni nakujolela myaka yoshe mu vyuma vyaviha vinjinatanga. Yelusalema yaiha injitanga mukakala kujolela, co vanu vamwo vakavwaelela.

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Hambakuke 3:18

anga vene njikajolela nakuvwaelela muli Shukulu Kalunga, omwo Shukulu Kalunga Njambi, ikeye wapwa muka-kunjinyunga.

Zakaliya 10:7

Vanu va mu Isalele vakapwa vaka-nzili ngwe mashwalale, vakavwaelela ngwe vanu vananu vinyu. Vatekulwila vavo vakanuka kuhyana oku, co vakavwaelela omwo a vije vyanalingi Shukulu Kalunga.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Luka 2:25

Cooni kwakele munalume umo mu Yelusalema lizina lyendi Simyoni. Wapwile muka-vushunga muka-kukomoka Njambi, wavandamenene kupatuka kwa Isalele. Munzinzime Wakujela wakele ali ikeye,

Filipu 3:1

Mukumanesela, vasamba vange, joleleni mu kulitombola kweni muli Mwene. Kunjesi na shwamwa akwilukilamo vije vinjasonekele laja, co eci cimikwasa nga njilingamo.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

1 Petulu 1:6

Pweni vaka-kuvwaelela a cuma eci, nambe cinapu mwamuvwa yeni kukala na vusiwa kasimbu kakandondo lika omwo muli na vyeseko vyavingi vije mulinakuyanda navyo.

1 Petulu 1:8

Yeni mwamuzema, nambe kumwamumwene, mwamukulaela, nambe a simbu ino kumwamumwene. Ngecivene, mulinakujolela na mbwase yakama ya vumpau ije kutwasa kuyitumbula,

2 Petulu 3:12

ngwe omo mucili nakuvandamena Litangwa lya Njambi nakulinga mwamuvwa ngeci liije vwasi, Litangwa lije omo lilu likenya njwa nakunyonga, na vyuma vyakala mwilu vikanyongolokota na ntwima.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!