Isaya 25:8 - Livulu lya Shukulu Kalunga

⁸ Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 25:8 Iomraidhean Croise

Myaso 116:8

Shukulu Kalunga nanjamena ku kutsa, ikeye nanjisikumuna misozi, nakutakamesa mendi ange ngeci kesi njitalyangele.

Myaso 69:9

Cizemo cange ku Njuvo yove, yove Njambi, cilinakushukuma muli yange ngwe tuhya, co kushaula kuje vakushawile kuli ali yange.

Isaya 26:19

Vanu vetu vaje vanatsi vakayoya lalo! Mivila yavo ikasangukila lalo ku mwonyo. Voshe vaje vali mu vimbumbo, vakenduka nakwimba nakujolela. Ngwe lime litonolwela asi, ngecivene, Shukulu Kalunga akasangula lalo vanu vaje vatsile laja.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 37:3

Awa akewo majwi avalekele Hezekiya ngeci vaambulule kuli Isaya ngwavo, “Litangwa lya lelo linapu litangwa lya tuyando, vanatuhisa, co tuli mu vusiwa. Tunalifu na munakazi uje ashaka kukita, oloni kesi na nzili yakukita.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Isaya 60:15

“Nameme vakwivalele nakukuzinda, njikakupwisa nganda yakama yaivwa, mutambela wa kulyalesa nawo ku myaka yoshe.

Isaya 61:7

Shwamwa yeni nakushauka kweni vikahwa. Mukakala mu lifuti lyeni vavenya. Co vufuko vweni vakavuwezelela luvali, kujolela kweni kukapwa kwa myaka yoshe.

Isaya 65:19

Nange vavenya njikajolela na Yelusalema na vanu vamwo voshe. Kumukakala kulila, nambe vusiwa.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 31:16

Likele kulila, lisikumune misozi. Vyoshe vije walingilile vana vove, kuvikai mwangoco kujeneka cikandelela embwe, vakeluka kutunda mu lifuti lya citozi.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Luka 1:25

Co wendekele ngwendi, “Akukotoka Shukulu Kalunga nanjikwasa, nanjitundisa shwamwa ku mesho a vanu.”

1 Kolinte 15:26

Citozi wakukotokela yakafungulula ikeye kutsa.

1 Kolinte 15:54

Ngecivene, omo eci cikalingiwa, co cije ca kutsa cikazala cije cakujeneka kutsa, asinoni visoneka vikapwa vya vushunga, “Kutsa vanacinyongesa, kuhyana cinaija!”

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.

Kujombolola 20:14

Asinoni kutsa na lifuti lya vatsi vavyumbilile mu lishali lya tuhya. (Eli lishali lya tuhya likelyo kutsa kwamucivali.)

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”