Isaya 25:2 - Livulu lya Shukulu Kalunga

² Unatengulula vinganda vya vitozi vetu kupwa vingundu, nakunyongesa vimpaka vyavyo vyakukola. Mapela avatungile vitozi vetu oshe ananyongo.

Isaya 25:2 Iomraidhean Croise

Yombi 12:14

Omo Njambi asiwula, iya asa kutungulula? Co iyajo asa kushokolola munu uje yanashokela Njambi mu kamenga?

Isaya 13:20

Naumo wai akakalamo lalo. Kukwesi kaAlavya muka-kwendangana akashimbikamo mbalaka yendi, nambe kanyungi kakanyungilamo vutanga vwendi vwa vimanga.

Isaya 13:21

Ukapwa mutambela wa tusitu va mu mambo, muje muvakatungila makun̄ulu mashwa avo. Vainavilanda vakakalamo, na makunda vakeela mu vingundu.

Isaya 13:22

Minguli vakohyela mu tuposhi twavo, co vimbanje vakavwozela mu mapela amavwa. Simbu ya Mbambilone inete! Matangwa ayo anahu laja.”

Isaya 14:23

Njikatengulula Mbambilone kupwa n̄ondo, co makun̄ulu vakakalamo. Njikakomba Mbambilone na cikombeso cije cikombela vyuma vyoshe kulyala. Yange Kalunga Muka-nzili yoshe, njinendekamo.”

Isaya 17:1

Shukulu Kalunga wendekele ngwendi, “Ndamasiku kuyikapu lalo nganda, oloni ikapwa nganda yakusiwuka.

Isaya 17:3

Isalele kuyikakala na cimpaka cakuyinyunga, co Ndamasiku vakainyongesa. Va Asilya vaje vakasalao vakaziva shwamwa ngwe vanu va Isalele. Yange Kalunga Muka-nzili yoshe, njinendekamo.”

Isaya 21:9

Kengeni, vaka-kulonda a tuvalu valinakwija! Vavali-vavali. Co muka-kunyunga watambekele ngwendi, “Mbambilone inau! Na tumponya twoshe tuje vakele nakulemesa vanashandokela mu livu.”

Isaya 23:11

Shukulu Kalunga nolwela livoko lyendi a mema a kalunga, mukukaluwisa vumwene. Nashika ngeci vinganda vya vimpaka vya mu lifuti lya Kanana vavinyongese.

Isaya 23:13

Kengeni vije vanalingi vaAsilya ku Mbambilone! Vanalwisa nakunyongesa mapela oshe a mu lifuti. VaAsilya vazengelekele tuposhi, nakusiwula vimpaka vya Mbambilone nakuseza nganda yamupulungwa.

Isaya 24:10

Vyuma vyoshe mu nganda vili mu citanga, co vanu valinakulishokeyeya mu vinjuvo vyavo ngeci vakale mwamuvwa.

Isaya 25:12

Njambi akanyongesa vimpaka vya Mowavi vyakukola na vivumbe vyavyo vyavilaja, nakuvilundumwina asi.

Isaya 26:5

Ikeye nakeesa vaje valyalesele, nanyongesa vinganda vyavo vyakukola muje vayoyelele, nakusiwila vivumbe vyavo asi.

Isaya 27:10

Nganda ya cimpaka ikasala mu ngundu. Ikasala ayo lika ngwe mu mambo mwakujeneka vyuma. Ikapwa vulilo vwa vingombe, muje muvakavutama nakulilamo.

Isaya 32:14

Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.

Isaya 32:19

Nameme nyonzi ya mamanya ikawisa miti mu shwata na vinganda vikasiwuka.

Isaya 34:13

Mambimbo na mishwena vikamena mu mapela mwoshe na mu vinganda, co mukakala vimbanje na makun̄ulu.

Isaya 37:26

“Kuma kuwazivile ngeci yange Kalunga njayongwele laja vutumbe ovu ndi? Co ololo njinavusholola. Njakwanene nzili yakutengulula vinganda vya vimpaka kuvipwisa mitumbo ya vishwashwa.

Njelemiya 51:26

Kukwesi limanya limo likatunda kuli yove kupwa limanya lya mu mbango, nambe kupwa limanya lyakujalesa luvula, omwo ukapwa ngundu ku myaka yoshe. Yange Kalunga, njinendekamo.

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Kwituluka mu Mashiko 13:16

Ngecivene, mukakungulwila vivala vyavo vyoshe mukati ka nganda, co mukenyeka ije nganda na vyoshe vilimo kupwa n̄ombelo kuli Shukulu Kalunga Njambi yeni. Co ije nganda ikapwe ngundu ku myaka yoshe. Naumo wai akaitungulula lalo.

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”