Isaya 24:9 - Livulu lya Shukulu Kalunga

⁹ Kukwesi kwimba nakuvwaelela lalo omo vanwa vinyu, naumo wai avwaelela akumakela vinyu.

Isaya 24:9 Iomraidhean Croise

Myaso 69:12

Vaka-kushwana na maako vasimutwiiye ali yange mu vingila, co njapwa mwaso lalo kuli vaka-kupenda vwala.

Muka-kwambulula 9:7

Twalao kulya vyakulya vyove nakuvwaelela, nwa vinyu vyove na mbunge yakujolela, omwo Njambi wayongwele laja ngeci evi vikevyo unapande kulinga.

Isaya 5:20

Ngongo yeni! Yeni mutumbula vyavivi ngweni vyavivwa, co mutumbula vyavivwa ngweni vyavivi. Mutengulula lisusulungu kulipwisa mutanya, nakutengulula mutanya kuupwisa lisusulungu. Mutumbula vyakulula ngweni vipwelelela, co mutumbula vyakupwelelela ngweni vyakulula.

Isaya 5:22

Ngongo yeni! Vingenyenye va vingalafwa vya vinyu! Mwapwa vaka-kusimpa nakujeneka lyova omo mutsingasana vyakunwa!

Ezekiyele 26:13

Njikolwesa myaso yove yoshe, co njikakuvindika kwimba tulyalya.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!