Isaya 24:5 - Livulu lya Shukulu Kalunga

⁵ Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Isaya 24:5 Iomraidhean Croise

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

2 Vimyene 21:12

Ngecivene, yange Kalunga Njambi ya Isalele, njikanena n̄avava a Yelusalema naa Yunda ngeci munu woshe uje akazivako akalikomokele.

2 Vimyene 21:15

Njikalinga evi kuli vanu vange omwo vanalingi cuma cije njazinda, co vananjiluvalesa kutunda ku simbu ije vakukulwila vavo vatundile mu Ingito kweta na ku litangwa lya lelo.”

2 Mizimbu 33:9

Manase watwamenenene vanu va mu Yunda mu kulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga mu lifuti omo vanu vendi vakele nakuya kulutwe.

Myaso 105:10

Shukulu Kalunga walikumiiye cikumiiyo na Yakomba, cije ca myaka yoshe.

Myaso 55:5

Njilinakujaja omwo lyova, co vukalu vwakama vunanjiwana.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 33:8

Vitapalo vyakama ololo vili na vushonde, co naumo wai alinakwendelamo. Lizivasano na cikumiiyo vinahu. Kukwesi lalo kalemeso ku munu uje anyunga cikulaeso.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:24

Njalingile eci omwo vavyanene kushika kwange nakupokola mashiko ange nakuzilula Litangwa Lyakuhwima, co valemesele tumponya tuje vene tuvapangele vakukulwila vavo.

Ezekiyele 37:26

Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 9:10

Kutwononokele kuli yove Shukulu Kalunga Njambi yetu, omo watulekele kuyoya mu mashiko ove aje awatwanene ali vangamba vove vaka-kwimanena.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.

VaLevi 20:22

Ngecivene, mukanyunge mashiko ange oshe, nakushika kwange kwoshe nakuwalinga, ngeci kesi vakamivyane mu lifuti muje munjilinakumitwala.

VaLevi 26:35

Simbu yoshe livu likelila ngoco, likahwima kuhwima kuje kukwakeleko a matangwa aje akuhwima, omo yeni mwakelemo.

Mika 2:10

Katukeni muye, kukwesi mwamuvwa lalo kuno embwe. Vuvi vweni vunaviisa uno mutambela nakuunyongesa woshe njwa.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kwituluka mu Mashiko 32:20

Co wendekele ngwendi, ‘Kunjikavakwasa lalo embwe, ngeci njikamone vije vikalingiwa kuli vakevo, vanu vakukaluwa vimbunge, vanu vakujeneka kulongwa.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

VaHevelu 9:1

Cikumiiyo cakulivanga cakele na mashiko akulemeselamo, co vanu vapangele mwela wakulemesela.

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

Yoshwa 24:25

Ngecivene, Yoshwa walikumiiye cikumiiyo na vanu va Isalele a litangwa lije, co kuje vene ku Shekeme wavaanene vilongesa na mashiko ngeci vaakave.