Isaya 24:23 - Livulu lya Shukulu Kalunga

²³ Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 24:23 Iomraidhean Croise

Myaso 97:1

Shukulu Kalunga ikeye mwene! Kaye kavwaelele ngwe vanu! Man̄anda a mu mema a kalunga ajolele ngwe vanu!

Kutuuka 15:21

Milyamu wavembilile mwaso ngwendi, “Mwimbileni Shukulu Kalunga, omwo ikeye nahyana na nzili, ikeye nombila tuvalu na vaka-kulondao mu mema a kalunga.”

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 13:10

Vingongonosi na mulalavizi wavyo kuvikatu ceke, litangwa likatsitsivala omo lituuka, co ngonde lalo kuyikatu ceke.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 33:17

Mesho eni akamona vumpau vwa mwene, akamona lifuti mukujanjavala kwalyo kwoshe.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 52:7

Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Isaya 60:20

Matangwa akuviilila kwove akahwa. Yange Kalunga, njikapwa ceke cove ku myaka yoshe ceke cije kucesi kuhwa catuvakana ceke ca litangwa na ngonde.

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Njwele 3:15

Litangwa na ngonde vikazivala, co vingongonosi kuvikatu ceke lalo.

Ovandiya 1:21

Vanalume vaka-kuhyana va mu Yelusalema, vakashwana Endome. Shukulu Kalunga vavenya akapwa Mwene.”

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Zakaliya 14:6

A litangwa lije, kukukakala lisika nambe mema akukonda,

Zakaliya 14:7

nambe lisusulungu, likapwa litangwa lya ceke nameme ku simbu ya vutsiki. Vavenya Shukulu Kalunga ikeye lika azivuka litangwa eli.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mateo 6:10

Vumwene vwove vwije, cizango cove vacilinge ano asi, ngwe omwo vakacilingi mwilu.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 14:1

Asinoni njakengele, co kuje kwakele Muna Manga wemanene a Munkinda wa Siyone, wemanene na vanu vakupwa 144,000 vaje vavasonekele lizina lyendi na lizina lya Ishe a maholo avo.

Kujombolola 19:4

Co vaje vakulunu makumi avali na vawana na vikashama vawana vakuyoya vawile asi nakulemesa Njambi, uje watumbamene a litanda, vendekele ngwavo, “Ewa! Shangazaleni Njambi!”

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.