Isaya 24:20 - Livulu lya Shukulu Kalunga

²⁰ Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 24:20 Iomraidhean Croise

Kushangumuka 41:31

Simbu ya cindambo vakaivala omwo njala ya lyangengela ikapwa yakukomokesa.

Yombi 12:25

Co vapapateya mu lisusulungu mwakujeneka ceke, co avapelyanganesa ngwe vaka-kupenda.

Myaso 107:27

Vatanozokele nakupelyangela ngwe vanu vaka-kupenda, na mana avo oshe ahwile.

Myaso 38:4

Omwo vuvi vwange vunanjihyana, cihiso cange cinanjihyana kutuvakana nzili yange.

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 1:8

Yelusalema lika ivanazengeleka vitozi, inapu ngwe cipundo ca muka-kunyunga citungu ca mikolovozi ya vushuka vwa vinyu, nambe ngwe cipundo ca muka-kunyunga lihya lya vinende.

Isaya 19:14

Shukulu Kalunga naaka muli vakevo munzinzime wakuvatanganesa. Vantwama va Ingito vanalingisa lifuti eli ngeci lipelyangele nakulishanjela ngwe muka-kupenda.

Isaya 24:1

Shukulu Kalunga akanyongesa ano asi, co akapwa amupulungwa. Akafulumika kaye nakushandola vanu vao.

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 29:9

Komokeni nakukasama! Lipwiseni vupuputwa kumona! Pendeni oloni kesi na vinyu! Pelyangeleni oloni kesi na vwala vwakulula!

Isaya 38:12

Mwonyo wange vauvatwisilile, co wahwile ngwe mbalaka omo vanayeteka, ngwe nanga yakuteta ku mukundwilo. Njayongwele ngeci Njambi namanesa mwonyo wange.

Isaya 43:27

Kukulwila yeni wakulivanga walingile vuvi, vantwama veni valingile vuvi vwakunjilwisa,

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Njelemiya 25:27

Asinoni Shukulu Kalunga wendekele kuli yange ngwendi, “Leka vanu ngwove yange Kalunga Muka-nzili yoshe, Njambi ya Isalele, njivashika vanwe vapende nakushanja, vawe kesi venduke, omwo a nzita ije njituma kuli vakevo yakuvalwisa.

Njelemiya 4:24

Njakengele ku minkinda, co yakele nakujaja, na malundu akele nakuninganga.

Njelemiya 51:29

Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Njelemiya 8:4

Shukulu Kalunga wanjilekele kwendeka ku vanu vendi ngwendi, “Omo munu awila asi, kuma kasa kukatuka ndi? Nga munu nazimbalesa ngila, kuma kasa kwilukamo ndi?

Mbimbi 1:14

Ikeye wazivukile vuvi vwange vwoshe co wavukutiiya amo vwoshe, wavuzengelele ku mukoshi wange, co vwanjizeyesele manene omwo vulemu vwavwo. Shukulu Kalunga wanjanene ku mavoko a vitozi vange, co njonwele kuvayeluwisa.

Ndanyele 11:19

Co mwene akeluka ku vimpaka vya mu lifuti lyendi, oloni vakamufungulula, co oku kukapwa mamaneselelo endi.

Amose 8:14

Co vaje vakalisingi na tumponya twa ku Samaliya, vaje vakendeka ngwavo, ‘Ali njambi wa ku Ndani,’ nambe ngwavo, ‘Ali njambi wa ku Mbeleshemba,’ co vanu va cifwa eci vakawa, kuvakenduka lalo.”

Nahumi 1:5

Minkinda ininganga ku mesho a Shukulu Kalunga, malundu asangunuka kulutwe lwendi. Asi aninganga omo Shukulu Kalunga asholoka, Kaye na vanu vamwo voshe valijajela.

Kujombolola 18:21

Asinoni kangelo umo wa nzili wanonele limanya lyakama ngwe limanya lyakulolela vunga walyumbilile mu mema a kalunga, co wendekele ngwendi, “Omu mukemwo muvakombila asi nganda yakama Mbambilone, co kuvakaimono lalo.