Isaya 24:1 - Livulu lya Shukulu Kalunga

¹ Shukulu Kalunga akanyongesa ano asi, co akapwa amupulungwa. Akafulumika kaye nakushandola vanu vao.

Isaya 24:1 Iomraidhean Croise

2 Vimyene 21:13

Njikanyanyamesa Yelusalema ngwe munjalingile na nganda ya Samaliya, na muje munjalingile na Mwene Ahave wa mu Isalele na vatekulwila vendi, njikanyongesa vanu va mu Yelusalema, ngwe munu akusha lilonga nakulisikumuna, co alifulumika.

Nehemiya 1:8

Anuka lijwi lije liwashikile ngamba yove Mosesa ngwove, ‘Nga muvulumuna, co njikamishandwela akati ka vanu va miyati yeka.

Myaso 146:9

Shukulu Kalunga anyunga vangenzi vaje vali mu lifuti lyetu, ikeye akwasa vifwile na visiwa, oloni vaka-vuvi avanyongesa.

Isaya 13:13

Ngecivene, njikajajesa melu, na asi lalo akajaja, co akatunda a mitambela yao a litangwa lije omo yange Kalunga Muka-nzili yoshe njikamwesa vukalu vwange.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 2:19

Omo Shukulu Kalunga akaija nakuningangesa kaye, vanu vakavanda mu manzenzengoma mu malundu a mamanya, nambe kwinda viteke kutewa vukalu vwa Shukulu Kalunga nakuvanda ku nzili ya vumpau vwendi.

Isaya 24:19

Kaye kakatavuka nakushokoloka.

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 27:10

Nganda ya cimpaka ikasala mu ngundu. Ikasala ayo lika ngwe mu mambo mwakujeneka vyuma. Ikapwa vulilo vwa vingombe, muje muvakavutama nakulilamo.

Isaya 29:16

Yeni mukatengulula vyuma vyoshe nakuvitwala mweka. Cuma mukajo cili na seo, muka-kushonga vuma indi vuma vukevwo vavenya? Kuma ndeo ya vuma yasa kwendeka kuli uje naishongo ngwayo, “Kesi yove wanjishongele, yove kuuzivukamo kushonga?”

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Isaya 30:32

Omo Shukulu Kalunga akavapupa lalo lalo, co vanu vendi vakatwalao kwimba vingoma na tulyalya. Njambi vavenya akalwisa vaAsilya.

Isaya 32:12

Lipupeni a vinulo vyeni na vusiwa omwo mahya a vwilo na vitungu vya miti ya vinyu vanavinyongesa,

Isaya 33:9

Lifuti lyasala ngoco mupulungwa. Shwata ya Lembanone yajujwama, na Cana ca Shalone ca vwilo cinalifu ngwe mambo, shwata ya Mbashane na Munkinda wa Kalemele maputa alinakutotomoka ku miti.

Isaya 34:10

Likenya mutanya na vutsiki, co vwisi vukakakumuka myaka yoshe. Lifuti lya Endome likapwa lyamupulungwa ku myaka yoshe, naumo wai akaita mukati kalyo.

Isaya 34:2

Shukulu Kalunga naluvala na miyati ya vanu voshe, na mashwalale vavo voshe. Ikeye navasompela kutsa.

Isaya 42:15

Njikanyongesa malundu na minkinda nakumisa mwila cau na miti. Vindonga njikavipwisa mambo, co njikomisa cau mashali a mema.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Njelemiya 40:15

Asinoni Yohanane wendekele nendi mu vushweke ngwendi, “Njitave njikatsiye Ishimela, naumo wai akazivuka uje namutsii. Vikajo vyakutsiila? Eci cikalingisa vaYunda voshe vaje vanakunguluka kuli yove ngeci valishandoke, eci cikanena vukalu ali vanu voshe vaje vanasalao mu Yunda.”

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 51:34

Mwene Nevukaneza wa Mbambilone natete Yelusalema nakuyilya. Napwisa nganda ngwe njava yamupulungwa, naleula nganda ngwe cikashama. Wambatele vije vyashakele nakumbila kuti vije kashakele.

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Ezekiyele 12:20

Vinganda vije vinashulu na vanu ololo vakavinyongesa, co lifuti likapwa mambo yangoco. Asinoni vakazivuka ngeci yange Kalunga.”

Ezekiyele 24:11

Asinoni tumbikeni ndeo ya vunengu yamupulungwa a manungu a tuhya, ngeci yenye. Asinoni ndeo ikajela omo n̄alawe inenye,

Ezekiyele 35:14

Shukulu Kalunga wa Akamwa ya Vyoshe alinakwendeka ngwendi, “Njikakupwisa ngundu ngeci kaye koshe vakajolele akuwa kwove,

Ezekiyele 5:14

Co vanu voshe vakutunda ku mafuti aje anamizengeleka, vakamiyeluwisa nakumishondoloka.

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

Ezekiyele 6:6

Vinganda vyoshe vya Isalele vikanyonga, ngecivene, mitula yavo yoshe na tumponya twavo vikasanyozoka vimbazuvwila-mbazuvwila, co mitula yavo ya insense ikasanyozoka, vyoshe vije vivalingile vikanyonga.

Ezekiyele 7:12

Simbu ilinakwija. Litangwa lili muyehi, omo kulanda nakulandulula kuvikakala lalo na seo, omwo Njambi akanyanyamesa vanu voshe mu cifwa cimo.

Ezekiyele 7:14

Lupembo lukaimba, co vanu voshe vakalivwaesela cimweja. Oloni naumo wai lalo akaya ku nzita, omwo vukalu vwa Njambi vukawila ali vanu voshe mu cifwa cimo.

Nahumi 1:5

Minkinda ininganga ku mesho a Shukulu Kalunga, malundu asangunuka kulutwe lwendi. Asi aninganga omo Shukulu Kalunga asholoka, Kaye na vanu vamwo voshe valijajela.

Nahumi 2:10

Nenevayi vanainyongesa, inapu ngundu, ili mupulungwa! Vimbunge vinazeye na lyova, mavuli alinakujaja, nzili inahu, na vihanga vinafufutuka.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Vilinga vya Miluwa 17:6

Oloni omo kuvavawanene, vakokangeyeye Njasone na vamo vaka-kukulaela vavatwalele kuli vaka-kushwana, co vatambekele ngwavo, “Ava vanalume vananena vukalu kwoshe-ikwoshevanaija kuno lalo,

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kwituluka mu Mashiko 32:26

Njayongwele kuvanyongesa voshe njwa, ngeci kesi kukakale umo lalo akavanuke.

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.