Isaya 23:17 - Livulu lya Shukulu Kalunga

¹⁷ Omo myaka makumi atanu na avali inahu, Shukulu Kalunga akelwisila lalo Tile mu vipangi vyayo vyalaja vyakulandulula, co ikapwa ngwe munakazi uje alandesa muvila wendi ku munu woshe-iwoshe wa ano asi.

Isaya 23:17 Iomraidhean Croise

Isaya 23:15

Simbu ilinakwija omo Tile vakaivala a myaka makumi atanu na avali, ikeyo vene simbu yakuyoya kwa mwene. Omo myaka ije inahu, Tile ikapwa ngwe munakazi wa cikwizi ivakembi mu mwaso ngwavo,

Isaya 23:16

“Ambata kalyalya kove, ya nakulizenga mu nganda, yove cikwizi wakuutwa ivanevala! Imba myaso yove mwamuvwa, ngeci vakwanuke lalo.”

Njelemiya 25:11

Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Ezekiyele 16:25

Yove wakokelele vuvwa vwove mukati ka mandova. Yove walyanene kuli munu woshe uje wezile kuyehi nove, co yove walipwisile cikwizi a litangwa na litangwa.

Ezekiyele 16:26

Unalingi vupangala na vaka-Ingito va mashungu vaje vawalyata navo, co vupangala vwove vwanjiluvalesele.

Ezekiyele 16:31

A tapalo na tapalo watungilileo mitambela yakulemesela tumponya, nakulingilao vupangala. Oloni yove kuwatondele vimbongo ngwe vikwizi vamo.

Ezekiyele 22:13

“Njikapangesa nzili yange ali yeni omwo vinganyo vyeni vya makuli vimunanganyala nakutsiya kuje munakala nakutsiya vanu.

Mika 1:7

Vinjambi vavo va seo vakavasanyozola vimbazuvwila-mbazuvwila. Fweto yayo yoshe akupwa cikwizi vakayenyeka, na tumponya twayo twoshe tukemuka numbo ya mamanya, co vaka-Samaliya vakakungulula fweto yavo akupwa cikwizi. Co vije vimbongo lalo vakavifweta vikwizi kweka.”

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Nahumi 3:4

Cikwizi Nenevayi valinakumunyanyamesa. Wapwile wamuvwa akumukenga, wakele na vyemba vyavushungu wakokweyeye miyati nakuvapwisa vindungo.

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.

Vilinga vya Miluwa 15:14

Simoni ololo natulumbunwina vati Njambi akulivanga wezile nakusholola cizemo cendi kuli vaje kesi vaYunda mukwangulao vamo akati kavo ngeci vapwe vanu vendi.

Kwituluka mu Mashiko 23:18

Kesi mukanene vimbongo vya mu vukwizi nambe vya mu vundeyi ku Njuvo ya Shukulu Kalunga Njambi yeni mukushulisa cisingo embwe, omwo vyuma vyoshe evi vivali vyapwa vya vunyengwe ku mesho a Shukulu Kalunga.

1 Timateo 3:3

kapandele kupwa muka-kupenda nambe kupwa munu muka-lwozi, oloni apwe muka-lyovwa-ovwa na kwoloka, kapandele kupwa muka-kuzema vimbongo,

1 Timateo 3:8

Vakwasi va mu cikungulukilo lalo vanapande kupwa va futisi yaivwa na kasingimiko, kuvapandele kupwa vaka-kunwa manene vinyu nambe vapwe vaka-cipululu ca vimbongo,

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”