Isaya 23:16 - Livulu lya Shukulu Kalunga

¹⁶ “Ambata kalyalya kove, ya nakulizenga mu nganda, yove cikwizi wakuutwa ivanevala! Imba myaso yove mwamuvwa, ngeci vakwanuke lalo.”

Isaya 23:16 Iomraidhean Croise

Isaya 23:15

Simbu ilinakwija omo Tile vakaivala a myaka makumi atanu na avali, ikeyo vene simbu yakuyoya kwa mwene. Omo myaka ije inahu, Tile ikapwa ngwe munakazi wa cikwizi ivakembi mu mwaso ngwavo,

Isaya 23:17

Omo myaka makumi atanu na avali inahu, Shukulu Kalunga akelwisila lalo Tile mu vipangi vyayo vyalaja vyakulandulula, co ikapwa ngwe munakazi uje alandesa muvila wendi ku munu woshe-iwoshe wa ano asi.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Ezekiyele 26:13

Njikolwesa myaso yove yoshe, co njikakuvindika kwimba tulyalya.

Nahumi 3:4

Cikwizi Nenevayi valinakumunyanyamesa. Wapwile wamuvwa akumukenga, wakele na vyemba vyavushungu wakokweyeye miyati nakuvapwisa vindungo.