Isaya 23:13 - Livulu lya Shukulu Kalunga

¹³ Kengeni vije vanalingi vaAsilya ku Mbambilone! Vanalwisa nakunyongesa mapela oshe a mu lifuti. VaAsilya vazengelekele tuposhi, nakusiwula vimpaka vya Mbambilone nakuseza nganda yamupulungwa.

Isaya 23:13 Iomraidhean Croise

Kushangumuka 11:28

co Halane watsililile mu nganda ije vene ya Ule ya mu Mbambilone muje muvamukitilile, a simbu ije te ishe anga acili na kuyoya.

Kushangumuka 11:31

Tela waile na munendi Avilama, na mutekulyendi Lote muna Halane, na vainamweno Salai munakazi wa Avilama, co watundile mu nganda ya Ule mu Mbambilone amo navo ngeci aye ku lifuti lya Kanana. Co vetele ku lifuti lya Halane nakutunga muje.

Kushangumuka 11:9

Co nganda ije vaitumbwile ngwavo Mbambilone omwo kuje kukekwo Shukulu Kalunga watanganesele muyati wa vanu voshe. Kutunda aje vene Shukulu Kalunga wavashandwelele ano asi oshe.

Kushangumuka 2:14

Ndonga yamucitatu yapwile Tingelise, ije yetile mu ngangela ya Asilya, co ndonga yamuciwana ikeyo Yufuleti.

2 Vimyene 17:24

Mwene wa Asilya wambatele vanu vaje vakele mu vinganda vya Mbambilone na Kute na Ivaha na Hamate na Sefalevaime, co wavaakele mu vinganda vya Samaliya kwinga muli vaIsalele vaje vavatwalele ku vunzinda. Co vambatele vinganda evi nakutungamo.

2 Vimyene 20:12

A simbu ije vene mwene wa ku Mbambilone, Melondake Mbalandane, muna Mbalandane, wazivile ngeci Mwene Hezekiya nakele nakuvinja, co wamutumine mukanda amo na vwana.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Yombi 1:17

Omo kanda acimanese kwendeka, co kanganda mukwavo wezile nakumuleka ngwendi, “Vimbunga vitatu vya vaKalendeya vanezile nakutulwisa, vanambata tumelo nakuya navo, co vanatsii vangamba vove voshe, kuvanga ange lika njinaputumukao ngeci njinaija nakukuleka.”

Myaso 72:9

Vanu va mu mambo vakalemesa vumwene vwendi, co vitozi vendi vakalimbondinga mu livu.

Isaya 10:5

Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 10:7

Oloni mwene wa vaAsilya ali na matumbe endi a lwozi mu mbunge. Nalivwaesela cimweja kunyongesa miyati yaingi.

Isaya 13:19

Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Isaya 13:21

Ukapwa mutambela wa tusitu va mu mambo, muje muvakatungila makun̄ulu mashwa avo. Vainavilanda vakakalamo, na makunda vakeela mu vingundu.

Isaya 18:6

Mivila ya mashwalale vaSundane vakaisezela tuzila na vikashama. Tuzila vakalya mivila yavo a ndombo, co tusitu vakalya mivila yavo a cisika.”

Isaya 43:14

Njambi wakujela wa Isalele, Shukulu Kalunga uje wamipatwile, alinakwendeka ngwendi, “Akumyamena, njikatuma nzita yakulwisa Mbambilone, njikapokozola vikolo vya nganda, co muyoyo wa vanu valimo ukatenguluka kulila.

Ezekiyele 23:23

Njikakunenela vaMbambilone na vaKalendeya, na vanalume vakutunda ku Pekonde, na ku Showa, na ku Kowa, na vaAsilya voshe. Njikakungulula voshe vaje vakwenje vavavwa vakufuka na vamyata, na voshe vaje vamyata va vanalume, na vakulunu va vulemu vaka-kwendela a tuvalu.

Ezekiyele 29:18

“Muna munu, Mwene Nevukaneza wa Mbambilone walwisile nganda ya Tile. Ikeye wambatesele mashwalale vendi vitele vyakulema manene ngeci mitwe yavo yakongovokele ngwe lyandya, na a vitsili vyavo akele masetete, oloni nambe mwene nameme mashwalale vendi kuvawanene cikandelela ca nzita yavo yakulwisa Tile.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Hambakuke 1:6

Njikalingisa vaMbambilone kupwa muyati wa vanu va nzili, na muuka, kulisingimika. Mashwalale vavo valinakuya kwoshe-ikwoshe mu lifuti mwoshe nakufungulula mafuti a vakwavo.

Vilinga vya Miluwa 7:4

Asinoni wasezele lifuti lyendi waile nakukala mu lifuti lya Halane. Omo ishe ya Avilahama natsi laja, co Njambi wamutundisile mu lifuti lije wamunenele mu lifuti lino omu mumuli nakukala ololo.